2017 جىلدىڭ 7 ماۋسىمىندا «قازمەديا ورتالىعىنىڭ» كينوكونسەرت زالىندا جۇڭگو كينوسى فەستيۆالىنىڭ اشىلۋ سالتاناتى وتەدى دەپ حابارلايدى قامشى اقپاراتتىق اگەنتتىگى.

 بۇل شارانىڭ باس ۇيىمداستىرۋشىلارى  - «قازاقستان» رەسپۋبليكالىق تەلەراديوكورپوراسياسى مەن قحر باسپا ءسوز، باسپا، راديو، كينو جانە تەليەۆيزيا ءىسى جونىندەگى مەملەكەتتىك باسقارماسى.

جۇڭگو كينوسى فەستيۆالىنىڭ قازاقستانداعى كۇندەرى  ق ر اقپارات جانە كوممۋنيكاسيا مينيسترلىگى مەن ق ر مادەنيەت جانە سپورت مينيسترلىگىنىڭ  قولداۋىمەن وتەدى.       فەستيۆالدىڭ ارنايى قوناعى رەتىندە الەمدىك كينەماتوگرافيانىڭ جۇلدىزى، جۇڭگو اكتەرى، كينورەجيسسەر، كينوپروديۋسەر – دجەكي چان  بولماق.

وسى شارادا  دجەكي چان كورەرمەندەرگە  «كۋنگ-فۋ يوگا» اتتى  ءفيلمىن تارتۋ ەتپەك. بۇل فيلمدە ول باستى كەيىپكەر -  دجەكي اتتى جۇڭگو ارحەولوگىن  سومداپ شىقتى.

ايتا كەتسەك، 7-18 ماۋسىم ارالىعىندا استانادا وتەتىن جۇڭگو كينوسى فەستيۆالى اياسىندا ەلوردالىقتار مەن قالا قوناقتارى «ىلە وزەنى»، «شىنايى ماحاببات»، «گۋلىم»، «قاتەرلى ىسىك مىرزا، كەتىڭىز»، «قاسقىر توتەمى» سىندى تۋىندىلاردى تاماشالاي الادى.