ۋەلس مەملەكەتىندە تۇراتىن ۋوتتس وتباسى ۇيلەرىندە كىشكەنتاي بالانىڭ ەلەسى تورۋىلداپ جۇرگەنىن ايتادى. ساللي ۋوتتستىڭ ايتۋىنشا، بالا ولار تۇرعان ەسكى ۇيدە دە بولعان، جاڭا ۇيگە كوشىپ كەلسە، الگى بالا وتباسىمەن بىرگە كەلگەن. ءبىراز ۋاقىت جوق بولىپ كەتىپ ەدى، ەندى مىنە سۋرتەكە ءتۇسىپ قالعان ەكەن.
وتباسى مۇشەلەرىنىڭ ايتۋىنشا، ءسالليدىڭ قىزىنىڭ تۋعان كۇنىن تويلاۋ بارىسىندا ۇيلەرىندە بالانىڭ ەلەسى بولعان. مەرەكە ۇستىندە تۇسىرىلگەن سۋرەتتە قىزدىڭ ارتىندا بەلگىسىز بالانىڭ تۇرعانىن ايتادى.
وتباسى باسقا ەشقانداي تۇسىنىكتەمە بەرە قويمادى، كۇيەۋى ەكەۋى اقىلداسا وتىرىپ، سۋرەتتى الەۋمەتتىك جەلىگە سالۋدى ۇيعارىپتى. جەلى قولدانۋشىلارى سۋرەتتەگى ەلەسكە قانشا سەنبەگەندەرىمەن، اتا-انا ءوز سوزدەرىنەن قايتپاي وتىر.
«بۇل ناعىز سۋرەت. ەگەر بىرەۋ تۇسىنىكتەمە بەرە السا، قۋانار ەدىك» دەپ جازدى ساللي ۋوتتس الەۋمەتتىك جەلىدەگى پاراقشاسىنا.
شولۋشى: سابينا رامازان
