52 جاستاعى ديەۆيد فينلەيسون بالاسى چارليمەن ايداحو شتاتىنداعى شيپ ايلەند اتتى كولدىڭ اينالاسىنداعى تاۋعا شىققان. بۇعان دەيىن دە اكەسى مەن بالاسى بىرنەشە مارتە تاۋعا شىققان ەكەن. ەكەۋىنە بۇل ءىس قاتتى ۇنايتىن.

بۇل جولى تاۋداعى تاستار قۇلاپ، ديەۆيد 10 مەترلى بيىكتىكتەن قۇلايدى.  

ول ەسىن جوعالتىپ الدى. ونىڭ ارقاسى مەن سول اياعى سىندى. اياعىنداعى جاراقاتتان سۇيەگى كورىنىپ تۇردى.

جاقىن ماڭداعى بازاعا جەتۋ ءۇشىن 20 شاقىرىم جەر ءجۇرۋ كەرەك. بارلىق ءۇمىت چارليدا بولدى. بالاسى اكەسىنىڭ جاراقاتىن جۋىپ، شاتىر تىگىپ، اكەسىن تاماقتاندىرىپ، وعان كۇش بەردى.

«ول مەنى  امان الىپ قالدى. بالام بولعان وقيعادان كەيىن ءتۇنى بويى مەنىمەن سويلەسىپ، اۋىرلىقتى سەزىنبەۋگە كومەكتەستى» دەيدى ديەۆيد جۋرناليستەرگە بەرگەن سۇحباتىندا.

ەكى كۇن بويى چارلي تۋريستەردى كەزدەستىرىپ قالامىن دەگەن ماقساتپەن كولدىڭ اينالىسنا ءتۇستى. ءۇشىنشى كۇنى ەشكىم كومەككە كەلمەيتىنى بەلگىلى بولدى. چارلي بازاعا بارۋ كەرەك ەكەنىن ءتۇسىندى. 13 جاستاعى بالا 16 كەلىلىك سومكەمەن الىس جولعا شىقتى. اكەسى وعان حات تاپسىردى. وندا ديەۆيدتى قالاي تابۋعا بولاتىنى جازىلعان.

اكەسىن جالعىز قالدىرۋ چارلي ءۇشىن ۇلكەن سىناق بولدى.

«مەن قاتتى قورىقتىم. بازادا ەشكىم بولماسا نە ىستەيمىن دەگەن سۇراق مازالادى. مەن ۇنەمى دۇعا ەتىپ، قۇدايعا جالبارىندىم» دەيدى چارلي.

التى شاقىرىم جەر جۇرگەننەن كەيىن چارلي تۋريستەردى جولىقتىرادى. ديەۆيد اۋرۋحاناعا جەتكىزىلىپ، امان قالدى.

شولۋشى: سابينا رامازان