تۇركيا ءىىم شەتەلدە تۇراتىن 130 تۇرىكتى ازاماتتىقتان ايىرۋ جونىندە حابارلادى، 130 ازاماتتىڭ ىشىندە وپپوزيسيالىق ءدىن ۋاعىزداۋشى فەتۋللاح گۇلەن مەن كۇرد حالىق پارتياسىنىڭ ەكى دەپۋتاتى بار، دەپ جازادى قامشى اقپاراتتىق اگەنتتىگى.

«شەتەلدە تۇراتىن تىزىمدەگى ازاماتتار شەشىم جاريالانعاننان كەيىن 3 ايدىڭ ىشىندە تۇركياعا كەلىپ، رەسمي ورگاندارعا اياق باسپاسا، زاڭعا جانە قىلمىستىق كودەكسكە سايكەس تۇرىك ازاماتتىعىنان ايىرىلادى»، دەلىنگەن ءىىم شەشىمىندە. بۇل اقپاراتتى Resmi gazete دۇيسەنبى كۇنى جاريالادى.

ۇسىنىلعان تىزىمدە گۇلەن مەن كۇرد حالىق پارتياسىنىڭ ەكى دەپۋتاتى فايزال سارىيىلدىز بەن تۋگبا حەزەردىڭ دە ەسىمدەرى كەزدەستى.

تۇركيا گۇلەندى وتكەن جىلدىڭ شىلدە ايىندا اسكەري توڭكەرىس ۇيىمداستىردى دەپ ايىپتاپ، اقش-تان ونى بەرۋىن تالاپ ەتتى.   

شولۋشى: گۇلىم جاقان