1930 جىلى تانسلەر اقش-تاعى اسكەري اۋرۋحانادا جۇمىس ىستەگەن. ول ءوزىن گراف فون كوزەل دەپ اتاعان. اۋرۋحانادا ول 21 جاستاعى ەلەنا دە حويوستى كەزدەستىرەدى.

تانسلەر قىزدى كەزدەستىرگەنگە دەيىن تۇسىندە ونى كورگەنىن جانە عاشىق بولعانىن ايتادى. ەلەنا كۇيەۋگە شىققان ايەل ەدى. ونى 53 جاستاعى ەر ادام مۇلدە قىزىقتىرمادى. الايدا وعان قاراماستان تانسلەر وعان ءتۇرلى سىيلىق سىيلاپ، قايدا جۇرسە دە ىزدەپ تاۋىپ العان.

1931 جىلى ەلەنا تۋبەرۋلەز اۋرۋىنا شالدىعادى. تانسلەر ونى امان الىپ قالۋ ءۇشىن قولدان كەلگەنىنىڭ بارلىعىن جاسايدى. ول قولىنداعى بارىن ونىڭ ەم-دومىنا جۇمسادى. ەلەنا 1931 جىلى 25 قازاندا قايتىس بولدى. تانسلەر ايەلدىڭ وتباسىن ونى كەسەنەدە جەرلەۋدى ۇسىنادى. ال بارلىق شىعىندى ءوز موينىنا الادى.

ەلەنا قايتىس بولعانىنا ەكى جىل بولعاندا كارل تانسلەر تۇندە زيراتقا كەلىپ ونىڭ قالعان سۇيەگىن قازىپ العان. كەيىنىرەك ول ەلەنانىڭ تۇسىندە ونى قازىپ الۋىن سۇراعاننان كەيىن، وسىنداي ارەكەتكە بارعانىن ايتادى.  

ەلەنانىڭ سۇيەگىن ۇيىنە الىپ كەلگەن تانسلەر ونىڭ كوزىنە اينەكتى سالعان. كيىم كيگىزگەن. كيىم جاقسى تۇرۋ ءۇشىن يىعىنا ارنايى ماتانى سالعان. ودان كەيىن ەلەنانى جىبەك ماتاعا وراپ، دەنەسىنە بالاۋىز جاققان. ول ءتىرى ادامنىڭ تەرىسىنە ۇقساس بولۋ ءۇشىن جاساعان.  جاعىمسى ءيىستى بولدىرماۋ ءۇشىن حيميكاتتار مەن ءيىس سۋدى پايدالانعان. وسىدان كەيىن ونىڭ دەنەسىن ءوز توسەگىنە جاتقىزعان.

1940 جىلعا دەيىن كارل تانسلەر سۇيىكتىسىنىڭ قاسىنا جاتقان. جەتى ايدان كەيىن عانا ادامدار ونىڭ دەنەسى قازىلىپ الىنعانىن بايقاعان. ەلەنانىڭ اپكەسى تانسلەردەن كۇدىكتەنىپ ونىڭ ۇيىنە كەلگەندە ءولى اپكەسىنىڭ دەنەسىن كورىپ تالىپ تۇسە جازدادى.

ەر ادام سوتتالىپ كەتتى. ال ونىڭ ماحاببات حيكاياسى الەم بويىنشا تارالعان. ءبىرى مۇنى ەسسىز عاشىقتىق سەزىمى دەسە، ەندى ءبىرى ونىڭ پسيحيكالىق اۋرۋعا شالدىققانىن ايتادى. 

شولۋشى: سابينا رامازان