ادامزاتتى ۇيقىسىز تۇندەر كۇتىپ تۇر، دەپ حابارلايدى قامشى اقپاراتتىق اگەنتتىگى islam.kz-كە سىلتەمە جاساپ.

پوستيندۋستريالىق قوعامعا ءتان دەپرەسسيا مەن سترەستەن ەمەس (ادەتتەگىدەي)، ياعني، كۇيزەلىستەن ەمەس، عالامدىق جىلىنۋدان ادامزاتتىڭ ۇيقىسى قاشاتىن بولادى. عالامدىق جىلىنۋدى ويلاپ، ۇيقىسى قاشپايدى، عالامدىق جىلىنۋدىڭ قاتەرلى سالدارىنان ۇيقىسى قاشادى.

تارقاتىپ ايتقاندا، نيك وبرادوۆيچ ەسىمدى عالىم باستاعان الەمگە ايگىلى گارۆاردتىڭ زەرتتەۋشىلەرى 2002-2013 جىلدار ارالىعىندا 765 000 امەريكالىق پاسيەنتتەردىڭ ۇيقىعا قاتىستى شاعىمىن زەردەلەگەن ەكەن. انىقتاي كەلە ۇيقىنىڭ ساپاسى (جايلىلىعى) اۋا رايىمەن تىكەلەي بايلانىستى بولىپ شىققانىنا كوز جەتكىزگەن. ياعني، تۇنگى تەمپەراتۋرا ءبىر ايلىق ورتاشا گرادۋستان اسىپ كەتسە، ءۇش ءتۇن بويى كىرپىك ىلە الماي شىعاتىنداردىڭ قاراسى ارتىپ وتىرعان. ادام ۇيىقتاعان كەزدە ونىڭ تەرىسىنىڭ قان ايدايتىن تامىرلارى كەڭەيەدى، بۇل ءوز كەزەگىندە دەنە تەمپەراتۋراسىنىڭ تومەندەۋىنە الىپ كەلەدى.

ال قورشاعان ورتاداعى تەمپەراتۋرا تىم جوعارى بولسا، دەنە تەمپەراتۋراسىنىڭ تومەندەۋىنە كەدەرگى كەلتىرىپ، ارتى ۇيقىسىزدىققا ۇرىندىرادى. تاعى ءبىر ايتا كەتەتىنى، جەردەگى اۋانىڭ ورتاشا تۇنگى تەمپەراتۋراسى كۇندىزگىگە قاراعاندا جىلدام كوتەرىلىپ كەلەدى. الەمدىك ورتاشا تەمپەراتۋرا 1 ºC-قا جوعارىلاعاندا (2050 جىلعا قاراي ورىن الىپ قالۋى ىقتيمال) تاڭدى كوزبەن اتىراتىنداردىڭ قاراسى كۇرت ارتاتىن بولادى. اتالعان فاكتور بويىنشا بولاتىن ۇيقىسىزدىقتان. اسىرەسە، كەدەيلەر مەن قارت ادامدار قاتتى زارداپ شەگەدى. 

شولۋشى: ايگەرىم تاۋباي