​جۇلدىزىنا تىم جاقىن ورنالاسقان گاز الىبى ۇزدىكسىز قايناپ تۇرادى.

استرونومدار تەمپەراتۋراسى بىرنەشە جۇلدىزداردان دا جوعارى بولاتىن ەرەكشە عالامشار تاپتى، دەپ جازادى قامشى اقپاراتتىق اگەنتتىگى.

 عالىمداردىڭ باعامىنشا، KELT-9b گاز الىبى 4،6 مىڭ كەلۆينگە دەيىن قىزىپ تۇر، مولشەرمەن 4327 گرادۋس سەلسيا بولادى. سالىستىرمالى تۇردە الىپ قاراساق، كۇن بەتىنىڭ تەمپەراتۋراسى 5778 كەلۆين، ياعني 5500 گرادۋس سەلسيا.

KELT-9b «ىستىق يۋپيتەر» ساناتىنا جاتادى. عالامشاردىڭ ەرەكشە ىستىق بولۋى ءوز جۇلدىزىن نەبارى 0،05 ا.ە. قاشىقتىقتا اينالادى.

«بۇل بۇرىن-سوڭدى تابىلماعان ەڭ ىستىق گاز الىبى» دەيدى وگايو شتاتىنداعى سكوتتا گاۋدي ۋنيۆەرسيتەتىنىڭ پروفەسسورلارى.

KELT-9b گاز الىبى يۋپيتەرگە قاراعاندا 2،8 ەسە اۋىر، ال تىعىزدىعى ەكى ەسەگە كەم. بۇلاي بولۋ سەبەبى گاز الىبىنىڭ جۇلدىزعا تىم جاقىن بولۋى، ءوزىنىڭ ۋلتراكۇلگىن ساۋلەلەرىن شاشىپ تۇراتىن جۇلدىزدىڭ ارقاسىندا عالامشار ۇزدىكسىز قايناپ تۇرادى. ءار سەكۋند سايىن گاز الىبى 10 ميلليون تونناعا «ارىقتايدى»، ال اتومدارى عارىشتا بۋلانىپ تۇرادى.

1 استرونوميالىق بىرلىك 149 597 870 700 مەترگە تەڭ.

شولۋشى: گۇلىم جاقان