استانا ماڭىندا مەكتەپ وقۋشىسى وز-وزىنە قول جۇمسادى. 9-شى سىنىپتى بيىل ءتامامداعان مەرۋەرت جاقسىلىقوۆانىڭ ءولى دەنەسى ءوز ۇيىنەن تابىلعان. جەتكىنشەك ءوزىن ولىمگە قياردان ءبىر كۇن بۇرىن قورىتىندى ەمتيحان تاپسىرىپتى. قۇزىرلى ورىندار بۇل قادامدى سۋيسيدقا بالاپ وتىر. مەرۋەرتتىڭ اتا-اناسى دا، ۇستازدارى دا قىزدىڭ نەلىكتەن مۇنداي قادامعا بارعانىن بىلمەي دال. وسى ىسكە قاتىستى ءقازىر تەرگەۋ امالدارى ءجۇرىپ جاتىر، دەپ حابارلايدى قامشى اقپاراتتىق اگەنتتىگى الماتى تەلەارناسىنا سىلتەمە جاساپ.

تالاپكەر اۋىلىنىڭ سىيلى اۋلەتى بۇگىن قارا جامىلدى. جاستايىنان ومىرمەن قوش ايتىسقان مەرۋەرتتىڭ بۇل شەشىمى اتا-اناسى مەن ۇستازدارعا جۇمباق بولىپ وتىر. قۇربىسى مەرەيدە ءالى كۇنگە دەيىن ونىڭ جوق ەكەنىنە سەنەر ەمەس. ايتۋىنشا، بويجەتكەن وتە اشىق، مىنەزى جايدارولى بولعان. اينالاسىنداعى ادامدار ونىڭ ەشبىر جات قىلىق، وعاش ارەكەتتەرىن بايقاماعان. تىپتەن بىرەۋمەن قاتتى سوزگە كەلگەنىندە كورمەپپىز دەيدى، سىنىپتاستارى.

«مەرۋەرت نەگىزى جاقسى قىز. كۇندە كۇشتى كوڭىل كۇيمەن جۇرەدى. قۋانىپ ساباقتى جاقسى وقىدى. ءبىز كاجدىي پەرەمەنادا جۇرەتىنبىز. ءبارىمىز جاقسى ارالاسامىز. مەرەكەلەر بولسا بىرگە جۇرەمىز»،- دەدى سىنىپتاسى مەرەي تۇرسىنحان.

جەتكىنشەكتى بالا كەزدەن تاربيەلەپ كەلە جاتقان كلاسس جەتەكشىسىنى وقۋشىسىنىڭ و دۇنيەلىك بولعانىنا سەنە الار ەمەس.  وتە سيلى، ءارى تولىق وتباسىنان شىققانىن تاربيەلى قىزدى سوڭعى رەت ەمتيحان تاپسىرعان ساتتە كورگەن. العاشقىلاردىڭ ءبىرى بولىپ، بيلەتكە جاۋاپ بەرگەن ەدى دەيدى. سول كۇنى ۇيگە قايتارىندا دا كۇلىمدەپ، جايدارى جىلى قوشتاسقان. 

«5 سىنىپتان باستاپ الىپ كەلە جاتىرمىن كلاسس جەتەكشىسى بولىپ. كلاسس جەتەكشىسى رەتىندە مەن ەشقانداي اۋىتقۋلىق بايقاعان جوقپىن. قازاقستان تاريحىنان وزىنە تيەسىلى باعاسىن الدى. ەكپىندىلەر قاتارىندا بولدى دەدىم عوي. وتە كوتەرىڭكى كوڭىل كۇيمەن كەتتى. ءوزىنىڭ باعاسىنا ريزا بولدى»،- سىنىپ جەتەكشىسى گۇلنار يمانبالينا.

كەي باسپا ءسوز بەتتەرىندە مەرۋەرت «قازاقستان تاريحىنان» ەمتيحان تاپسىرعاننان كەيىن قايتىس بولدى دەگەن اقپار تاراعان بولاتىن. مەكتەپ ديرەكتورى بۇل جالا جابۋ جانە قاۋەسەت دەپ وتىر. سەبەبى، قىز 30 مامىردا ەمەس، 31 كۇنى كوز جۇمعان. 

«بۇل قاۋەسەت مەن قارسىمىن.ويتكەنى، بالا تاريحتان تولىق 4 پەن 5 وقيتىن بەسىنشى سىنىپتان باستاپ. ءوزىنىڭ ءتيىستى باعاسىن الدى. بالا ەمتيحاننان قۋانىپ شىقتى. مەن ءوزىم كىرگىزىپ، ەمتيحان تاپسىرعاننان كەيىندە بالانى كوردىم. بالا كەتىپ بارا جاتقاندا دا ءوزىم تىلدەسكەن وقۋشىنىڭ ءبىرى مەرۋەرت ەدى»،- دەدى مەكتەپ ديرەكتورى، ساعىمبالا ابەيەۆا.

كۇنى كەشە قۇزىرلى ورىندار مەن ءبىلىم وكىلدەرى سۋيسيد دەڭگەيى تومەندەپ، بالا ءولىمى كەمي باستادى دەپ وقۋ جىلىن قورىتىندىلاعان ەدى. ءبىراق، سوڭعى ايدا مەرۋەرتتىڭ وقيعاسى العاشقى جاعداي ەمەس. ەستەرىڭىزگە سالا كەتەيىك، وسىعان دەيىن اقتوبە قالاسىندا مامىردىڭ 29 كۇنى 17 جاستاعى بويجەتكەن 8 قاباتتان سەكىرىپ كەتكەن ەدى. 

«نەگە مۇنداي جاعدايلار ورىن الۋدا؟ نەگە قوعامدا قىزۋ تالقى بولىپ وتىر. ويتكەنى، قوعام بۇل ورتاعا ارالاسا باستادى.ءتىپتى اشىق ايتا باستادى. وسىدان 5-6 جىل بۇرىن بۇل تاقىرىپ قوزعالمايتىن. ازاماتتاردىڭ بۇگىنگى تاڭدا كوزقاراسى وزگەرىپ كەلەدى.ەگەر ستاتيستيكاعا جۇگىنەر بولساق، مۇنداي وقيعالار تومەندەپ كەلەدى»،- دەدى جاسوسپىرىمدەرمەن جۇمىس ءبولىمى پوليسياسىنىڭ باسشىسى، اسەت وسپانوۆ.

ءوز وزىنە قول جۇمساعان بويجەتكەننىڭ بۇل قادامىن اتا-اناسى مەن مۇعالىمدەر تۇسىنبەي دال بولۋدا. ال، جاڭا وقۋ جىلىن سىنىپتاستارى الداعى ۋاقىتتا مەرۋەرتسىز باستايتىن بولادى. سەبەبى، وتباسى دەنەسىن جەر قويناۋىنا تاپسىردى.