شەرزات بولات ءىسى بويىنشا كامەلەتكە تولماعان سوتتالۋشى دۋمان ىسقاقوۆ بوستاندىققا شىقتى. بۇل تۋرالى ادۆوكات مەيىرمان شەكەيەۆ ءوزىنىڭ الەۋمەتتىك جەلىدەگى پاراقشاسىندا حابارلادى.
ادۆوكات دۋمان ىسقاقوۆقا قاتىستى بۇلتارتپاۋ شاراسى وزگەرتىلىپ، ول قاماۋدان بوساتىلعانىن ايتتى.
"دۋمان ىسقاقوۆ ءبىرىنشى ساتىداعى سوت ۇكىمىمەن تاعايىندالعان جازانى وتەپ قويعاندىقتان، الماتى وبلىسىنىڭ قىلمىستىق ىستەر جونىندەگى سوت القاسىنىڭ سۋدياسى مۋسابەكوۆانىڭ 2025 جىلعى 23 شىلدەدەگى سوت قاۋلىسىمەن بۇلتارتپاۋ شاراسى جويىلىپ، ول قاماۋدان بوساتىلدى"، — دەدى مەيىرمان شەكەيەۆ.
