پاۆلودار وبلىسىنىڭ سوتى كامەلەت جاسىنا تولماعان وگەي قىزىن زورلادى دەپ ايىپتالعان 48 جاستاعى ەر ادامدى ءومىر بويىنا باس بوستاندىعىنان ايىردى. قىز بالانىڭ جاسى نەبارى 13-تە بولعان.
پوليسيانىڭ قولىنا تۇسكەن م. ەسىمدى ەر ادامعا قىلمىستىق كودەكستىڭ 120 بابى 4 تارماعى بويىنشا ايىپ تاعىلعان. ونىڭ ءىسى جابىق رەجيمدە وتكەن.
اتالعان ءىستىڭ ءمان-جايىن زاڭمەن جاريا ەتۋ مۇمكىن بولماعاندىقتان پروسەسس جابىق رەجيمدە وتكەن. سوتتالۋشىنىڭ كىناسى جابىرلەنۋشى، كۋالەر مەن سوت-مەديسينالىق ساراپتاما قورىتىندىسى بويىنشا دالەلدەنگەن.
"ءىستىڭ ءمان-جايىن جانە سوتتالۋشىنىڭ جەكە باسىن ەسكەرە وتىرىپ، وعان قىلمىستىق-اتقارۋ جۇيەسىنىڭ توتەنشە ءقاۋىپسىز مەكەمەلەرىندە وتەۋمەن ءومىر بويىنا باس بوستاندىعىنان ايىرۋ جازاسى تاعايىندالدى"، – دەلىنگەن وبلىستىق سوت تاراتقان اقپاراتتا.
سوت ۇكىمى ءالى زاڭدى كۇشىنە ەنگەن جوق.
