قازاقستاننىڭ دەنساۋلىق ساقتاۋ ءمينيسترى اقمارال ءالنازاروۆا مەديسينا قىزمەتكەرلەرىنە شابۋىل جاساۋ ماسەلەسىنە قاتىستى قىلمىستىق كودەكسكە جەكە باپ ەنگىزۋ جوسپارلانىپ وتىرعانىن مالىمدەدى، - دەپ حابارلايدى Qamshy.kz اقپارات اگەنتتىگى.
ۇكىمەتتەگى باسپا ءسوز كونفەرەنسياسى بارىسىندا مينيستر بۇل تۇزەتۋلەر مەملەكەت باسشىسىنىڭ تاپسىرماسى بويىنشا ازىرلەنگەنىن ايتتى.
"شىنىمەن دە، بۇگىن وسى نورمالار جوباسىن ازىرلەدىك. قازىرگى ۋاقىتتا باس پروكۋراتۋرا، ىشكى ىستەر مينيسترلىگىمەن جۇمىس جۇرگىزىلىپ جاتىر، الدىن الا وڭ قورىتىندىلار الىندى"، – دەدى مينيستر.
"قىلمىستىق كودەكسكە جاڭا 158-1-بابىن ەنگىزۋ ۇسىنىلادى. ول مەديسينا قىزمەتكەرلەرىنە قاتىستى كۇش قولدانۋ نەمەسە كۇش قولدانۋ ءقاۋپى ءۇشىن جازانى كوزدەيدى".
اتاپ ايتقاندا:
- ءقاۋىپ راستالعان جاعدايدا - 2 جىلعا دەيىن بوستاندىقتى شەكتەۋ؛
- كۇش قولدانۋ - 2 جىلدان 7 جىلعا دەيىن باس بوستاندىعىنان ايىرۋ؛
- ەگەر قىلمىس توتەنشە جاعداي كەزىندە جاسالسا - 10 جىلعا دەيىن؛
- ەگەر شابۋىل مەديسينا قىزمەتكەرلەرى توبىنا باعىتتالعان جانە توپپەن جاسالسا - 15 جىلعا دەيىن باس بوستاندىعىنان ايىرۋ.
مينيستر بۇل شارالار مەديسينا قىزمەتكەرلەرىنىڭ قاۋىپسىزدىگىن قامتاماسىز ەتۋگە باعىتتالعانىن ايتتى.
"بۇل - مەديسينا قىزمەتكەرلەرىن قورعاۋعا ارنالعان جەتكىلىكتى ءتيىمدى شارالار. قىركۇيەكتە بۇل تۇزەتۋلەر پارلامەنتكە ەنگىزىلەدى"، - دەدى ءالنازاروۆا.
