پرەزيدەنت قاسىم-جومارت توقايەۆ الماتىداعى بالالار ءۇيى تاربيەلەنۋشىلەرىن كوشىرۋ تۋرالى شەشىمدى توقتاتۋدى تاپسىردى، دەپ جازادى Qamshy.kz اقپارات اگەنتتىگى. بۇل تۋرالى پرەزيدەنتىڭ باسپا ءسوز حاتشىسى رۋسلان جەلدىباي حابارلادى.
«باعاناشىل» بالالار ءۇيىنىڭ تاربيەلەنۋشىلەرىن الماتىدان قونايەۆ قالاسىنا كوشىرۋگە بايلانىستى جاعدايمەن تانىسقان قاسىم-جومارت توقايەۆ الماتى قالاسىنىڭ اكىمى دارحان ساتىبالدىعا وقۋشىلاردىڭ وڭتۇستىك استانادا ءبىلىم الۋىن جالعاستىرۋ ءۇشىن بالالار ۇيىنە جوندەۋ جۇمىستارىن جۇرگىزۋدى جانە اتالعان نىساندى قالانىڭ بالانسىنا الۋدى تاپسىردى.
"مەملەكەت باسشىسىنىڭ تاپسىرماسىنا سايكەس، بالالار ءۇيى كوشىرىلمەيدى. اتالعان جاعدايعا بايلانىستى پرەزيدەنت اكىمشىلىگى قىزمەتتىك تەكسەرىس جۇرگىزەدى. اتا-اناسىنىڭ قامقورلىعىنسىز قالعان بالالاردىڭ زاڭ شەڭبەرىندەگى بارلىق قۇقىعى تولىق ساقتالادى"، دەيدى رۋسلان جەلدىباي.
بۇعان دەيىن الماتىدا جەتىم بالالاردى قونايەۆقا كۇشتەپ كوشىرىپ جاتقانى تۋرالى حابارلاعان ەدىك.
