اقتوبەدەگى اۋە قورعانىسى كۇشتەرى اسكەري ينستيتۋتىنىڭ كۋرسانتى قازا بولدى، دەپ حابارلايدى اۋە قورعانىسى كۇشتەرى اسكەري ينستيتۋتىنىڭ باسپا ءسوز قىزمەتى. قايعىلى وقيعا 15 شىلدەدە بولعان.
"ينستيتۋتتىڭ كۋرسانتى پاراشايۋتپەن جوسپارلى وقۋ-جاتتىعۋ سەكىرۋ كەزىندە العان جاراقاتىنان وقيعا ورنىندا قازا بولدى"، - دەيدى ۆەدومستۆو.
الدىن الا اقپاراتقا سايكەس، سەكىرۋ كەزىندە كۋرسانتتىڭ ءپاراشيۋتى اشىلماي قالعان. قىلمىستىق ءىس قوزعالدى. وقيعانىڭ بارلىق ءمان-جايىن انىقتاۋ ءۇشىن تەرگەۋ جۇرگىزىلۋدە.
"اسكەري ينستيتۋت پەن اۋە قورعانىسى كۇشتەرىنىڭ قولباسشىلىعى قازا تاپقان كۋرسانتتىڭ تۋعان-تۋىستارىنا قايعىرىپ كوڭىل ايتادى. ولارعا بارلىق قاجەتتى كومەك كورسەتىلەدى"، - دەيدى اۋە قورعانىسى كۇشتەرى اسكەري ينستيتۋتىنىڭ باسپا ءسوز قىزمەتى.
