ق ر پارلامەنت ماجىلىسىندەگى فراكسيا مۇشەسى تولەگەن يبرايەۆ «نۇر وتان» پارتياسىنىڭ سايلاۋالدى باعدارلاماسىنىڭ  «اۋىلدى قورعاۋ» باعىتىنىڭ ىسكە اسىرىلۋ بارىسى تۋراسىندا اڭگىمەلەدى.

ونىڭ ايتۋىنشا، «اۋىلدى قولداۋ» باعىتى بويىنشا وتكىزىلگەن ەڭ سوڭعى ساراپشىلىق وتىرىس تۇرعىنداردى اۋىز سۋمەن قامتاماسىز ەتۋگە ارنالعان. سونداعى كەلتىرىلگەن دەرەكتەرگە قاراعاندا، اۋىل حالقىنىڭ 70%-ى اۋزى سۋ جۇيەسىنە قوسىلعان ەكەن. ال مۇنداعى تۇيتكىلدى جايت – ورتالىق سۋ قۇبىرىنان جەكەمەنشىك ۇيگە سۋ كەلتىرۋ.

«ءمالىم بولعانداي، اۋىلدىقتاردىڭ كوبىنىڭ بۇعان جاعدايى كەلمەيدى. سوندىقتان دا، وسى بويىنشا ايماقتاردىڭ اكىمدەرىنە ءتيىستى ۇسىنىستار بەرىلدى»، - دەدى ول.

سونىمەن قاتار، دەپۋتات، جاڭا سۋ كوزدەرىن تاۋىپ، اشۋ ماسەلەسىنىڭ دە وزەكتى ەكەندىگىن ايتتى.

«كەڭەس داۋىرىندە، ياعني، وسىدان 30 جىل بۇرىن جۇرگىزىلگەن گيدرولوگيالىق زەرتتەۋلەر ەسكىردى. قازىرگى تاڭدا ۇكىمەتتەن ينجەنەرلىك-گيدرولوگيالىق جاڭا زەرتتەۋلەرگە قاراجات ءبولىنۋىن سۇراۋدامىز»، - دەپ ءتۇسىندىردى ت.يبرايەۆ.

«اۋىلدى دامىتۋ» باعىتى بويىنشا جۇزەگە اسىرىلعان مىندەتتەمەلەردىڭ قاتارىندا اۋىل تۇرعىندارىنىڭ موبيلدىك بايلانىس پەن ينتەرنەتكە قول جەتكىزۋدىڭ نازاردا تۇرعانى دا ءسوز ەتىلدى.

«قوسىمشا زەرتتەپ زەردەلەۋدى قاجەت ەتەتىن اۋىل جولدارىن جوندەۋ سەكىلدى  ماسەلەلەر دە بار. ەلباسى ءوزىنىڭ ءار سوزىندە اۋىلداردى ينفراقۇرىلىمدارمەن قامتاماسىز ەۋت كەرەكتىگىن باسا ايتۋمەن كەلەدى. ەڭ باستىسى – جول ماسەلەسى. بۇل تۇيتكىل سايلاۋالدى باعدارلامانى ورىنداۋدىڭ اياسىندا وتە وتكىر تۇر»، - دەپ اتاپ ءوتتى ءماجىلىسشى.

ايتا كەتەيىك، «نۇر وتان» پارتياسىنىڭ سايلاۋالدى تۇعىرناماسى 2011 جىلى پارتيا سەزىندە قابىلدانعان بولاتىن. وندا بۇل قۇجات الداعى 5 جىلعا ارنالعان «قادامدىق» جوسپار مارتەبەسىن يەلەندى. جاقىن ارالىقتا «نۇر وتان» پارتياسىنىڭ سايلاۋالدى تۇعىرناماسىنىڭ سوڭعى 2،5 جىلداعى ورىندالۋ قورىتىندىلارىنا ارنالعان  ساياسي كەڭەستىڭ كەڭەيتىلگەن وتىرىسى وتەدى.

 قامشى-اقپارات