جىل بويى تويلانىپ كەلە جاتقان ەر جانىبەك باتىردىڭ 300 جىلدىق مەرەيتويى قازان ايىندا پروزالىق شىعارمالارعا ارنالعان بايگەمەن جالعاستى. بۇل شارانى "ەر جانىبەك" حالىقارالىق قوعامدىق قورى ۇيىمداستىرىپ وتىر. تىلىمىزگە تيەك بولىپ وتىرعان پروزالىق ءمۇشايرانىڭ قورىتىندىسى شىقتى. «ەلىنە ۇران بولعان ەر جانىبەك» دەپ اتالاتىن بايگە ەر جانىبەك بەرداۋلەت ۇلىنىڭ ەرلىك ىستەرىن، قولباسىلىق قاسيەتىن، قوعام جانە ساياسي قايراتكەر رەتىندە اتقارعان قىزمەتتەرىن، شەشەندىك تاپقىرلىعى مەن ءادىل بيلىگىن ناسيحاتتاۋ، سول ارقىلى قازاق ادەبيەتىنىڭ دامۋىنا ۇلەس قوسۋ ماقساتىندا ۇيىمداستىرىلىپ وتىر. سونىمەن بىرگە، قالامگەرلەرگە قولداۋ كورسەتۋ، جوعارى دەڭگەيدەگى شىعارمالاردى ومىرگە اكەلۋگە ىنتالاندىرۋ، شىعارمالارىن وقىرماندار اراسىنا كەڭىنەن ناسيحاتتاۋ، جاس بۋىندى ۇلتتىق مادەني قۇندىلىقتارعا قىزىقتىرۋ، تاريحي تۇلعالاردىڭ ەرلىكتەرى مەن ونەگەلى ىستەرىن ناسيحاتتاي وتىرىپ قازاقستاندىق پاتريوتيزمگە تاربيەلەۋدى كوزدە ۇستاعان.

بايقاۋدى باعالاۋ كوميسسياسىندا ق ر ەڭبەك سىڭىرگەن قايراتكەرى، جازۋشى ديداحمەت ءاشىمحان، قازاقستاننىڭ مادەنيەت قايراتكەرى جانە م. ماقاتايەۆ اتىنداعى سىيلىقتىڭ لاۋرەاتى، «اقيقات» جۋرنالىنىڭ باس رەداكتورى، اقىن امانحان ءالىم، كورنەكتى اقىن، حالىقارالىق «الاش» ادەبي سىيلىعىنىڭ لاۋرەاتى جاركەن بودەش ۇلى، اقىن، ۇستاز مۇرات شايماران ۇلى. ءادىلقازىلار القاسىنىڭ ءتوراعاسى فيلولوگيا عىلىمدارىنىڭ دوكتورى، پروفەسسور، جازۋشى كاكەن قامزين بولدى.

باس جۇلدە:

قانات ءابىلقايىر – «قارعا تامىر»(اڭگىمە)؛

ءبىرىنشى ورىن:

مۇرات الماسبەك ۇلى – «ءۇش بەيىت»(اڭگىمە)؛

ەكىنشى ورىن:

ۇلان باپاي – «التايدان بيىك اسقار بار»(اڭگىمە)؛

مەيىرجان اۋەلحان ۇلى – «ارىستان كول»(اڭگىمە)؛

ءۇشىنشى ورىن:

ايگەرiم امالبەkوۆا  - «ەلىنە ۇران بولعان ەر جانىبەك»(اڭگىمە)؛

باقىتبەك قادىر ۇلى – «كەرى ءتۇس»(اڭگىمە)؛

سارقىتقان قاستەر – «ەر جانىبەك كوزىندەي ەسكى ساندىق»(ەسسە)؛

ارنايى جۇلدە:

قويشىبەك مۇباراك – «ءبورىلى كوش»(اڭگىمە)

ءباتيما احمەتوۆا – «اۋليە بۇلاق»(اڭگىمە)

ابىلايحان ەسىمباي – «ەلىنە قورعان بولعان ەر جانىبەك»(اڭگىمە)

قۋانىش قاپپاس – «التايدا ارمان كوپ»(اڭگىمە)

ساودات ورداشيەۆا – «قان مايداندا قايتىس بولعان قارعاشىم»(اڭگىمە)

جەڭىمپازدارعا تاعايىندالعان جۇلدەلەر:

باس جۇلدە – بىرەۋ؛ ءى ورىن – بىرەۋ؛ ءىى ورىن – ەكەۋ؛ ءىىى ورىن – ۇشەۋ؛ ارناۋلى جۇلدەلەر – بەسەۋ.