سوڭعى كەزدە "كەلەسى پرەزيدەنت كىم بولادى؟" دەگەن ساۋال جەلدەي ەسىپ تۇر. مەن ونداي ساۋالعا "كەلەسى پرەزيدەنت تە قازىرگى پرەزيدەنت بولادى" دەپ جاۋاپ بەرەمىن. سەبەبى، تۇسىنىكتى. قازىرگى پرەزيدەنت ازىرشە قىزمەتىنەن باس تارتقالى وتىرعان جوق. ال، ەندى كەيبىر رەيتينگ اگەنتتىكتەردىڭ، جەكە تۇلعالاردىڭ قازىرگى كەيبىر لاۋازىمدىلاردى جىپكە ءتىزىپ الىپ سولاردىڭ اراسىنان پرەزيدەنت ىزدەيتىندەرىنە كۇلكىم كەلەدى. سوندا قازاق حالقى وسى ءبىر ات توبەلىندەي شەنەۋنىكتەرگە كۇنى قاراپ قالىپ پا ەكەن؟! بىرەۋلەر ءتىپتى "وسى بولادى-اۋ" دەپ بال اشىپ الىپ قازىردەن جاعىمپازدانىپ، جالباقتاۋدى باستاپ كەتكەندەرىن قايتەرسىڭ. تراگيكومەديا!!! اۋ، جىگىتتەر! بۇلارىڭ ۇيات! الدىمەن كونستيتۋسياعا ەنگىزىلگەن وزگەرىستەردى، وزگە دە زاڭدى وقىپ الايىق. نازاربايەۆتان كەيىنگى پرەزيدەنتتە قازىرگىدەي كەڭ قۇزىرەت بولمايدى. پارلامەنتكە ءبىرشاما بيلىك بەرىلمەك. جالپى بيلىك تارماقتارىنىڭ اراسىندا ءبىرشاما تەپە-تەڭدىك ورنايتىن ءتۇرى بار؟ سوندىقتان، ەندىگى جەردە "كەلەسى پرەزيدەنت اناۋ بولسا، مىناۋ بولسا ەكەن" دەپ دالباسالاۋدى قويايىق! ەسەسىنە، قازىرگە دەيىن ءجونى ءتۇزۋ ساياسي پارتيا، قوزعالىستاردىڭ ءالى قالىپتاسپاي قوعامدا ءىس جۇزىندە ءپليۋراليزمنىڭ ورنىقپاي جاتقانىن ەسكەرىپ پارلامەنتتى پارتيالىق تىزىممەن جاساقتايمىز با، الدە، ءبىر مانداتپەن جەكە تۇدعالاردى تاڭداپ سايلاعان دۇرىس پا؟ جالپى سايلاۋ جۇيەسىن قالاي جەتىلدىرەمىز؟ مىنە، وسىعان باس قاتىرعانىمىز ابزال بولار-اۋ!
قۋاندىق شاماحايدىڭ جەكە پاراقشاسىنان
پىكىر قالدىرۋ