«قازاقمىس كورپوراسياسى» ج ش س مەن قازاقستان جازۋشىلار وداعى جىل سايىنعى «بالاۋسا» بايگەسىنە بايقاۋ جۇمىستارىن قابىلداۋ باستالدى، - دەپ حابارلايدى Qamshy.kz كورپوراسيانىڭ باسپا ءسوز قىزمەتىنە سىلتەمە جاساي وتىرىپ.

بايگەنىڭ ماقساتى – بالالار ادەبيەتىنە قولداۋ كورسەتۋ ارقىلى بۇگىنگى زامان تالابىنا ساي شىعارمالاردىڭ جازىلۋىنا ىقپال ەتۋ، سول ارقىلى بالالاردى قارشاداي كەزىنەن ءوز

ۇعىمدارىنا لايىق ادەبي تۋىندىلارمەن مولىنان سۋسىنداتىپ، تۋعان ەلگە، اتا-اناعا، دوس پەن باۋىرعا دەگەن سۇيىسپەنشىلىكتەرىن قالىپتاستىرىپ، ۇلتجاندى، ونەگەلى، ءبىلىمقۇمار بولىپ وسۋىنە نەگىز قالاۋ.

داستۇرگە اينالعان «بالاۋسا» بايگەسى مەكتەپ جاسىنا دەيىنگى بۇلدىرشىندەرگە ارنالعان قازاق تىلىندەگى ۇزدىك ادەبي شىعارمالاردى انىقتاۋعا ارنالعان. بىلتىرعى جىلى ءادىلقازىلاردىڭ قاراۋىنا 195 اۆتوردان 220-دان استام ەڭبەك كەلىپ تۇسكەن بولاتىن. جەڭىمپازداردىڭ شىعارمالارى «بالدىرعان» بالالار ادەبي-كوركەم جۋرنالى بەتتەرىندە جاريالاندى. ءادىلقازىلار ەسكەرتەدى: وتكەن جىلى بايگەگە قاتىستىرىلعان جۇمىستار قايتا قارالمايدى.

«بالاۋسا» بايگەسىنىڭ ەرەجەسى قازاق تىلىندە شىعاتىن ءبىرقاتار باق-دا جارىق كورەدى. بايگەگە قاتىستىرىلاتىن شىعارمالار 2015 جىلدىڭ 10 اقپانىنا دەيىن قابىلدانادى. بايقاۋعا جولدانعان شىعارمالاردى «قازاقمىس كورپوراسياسى» ج ش س مەن قازاقستان جازۋشىلار وداعىنىڭ وكىلدەرىنەن قۇرالعان ءادىلقازىلار القاسى قاراستىرىپ، جەڭىمپازداردى انىقتايدى. بايگەنىڭ قورىتىندىسى 2015 جىلدىڭ 2 ءساۋىرى كۇنى جاريالانادى.

بايگە جەڭىمپازدارى اقشالاي سىيلىقتارعا يە بولادى، ال ولاردىڭ شىعارمالارى ءبىرقاتار رەسپۋبليكالىق باسىلىمداردا جارىق كورەدى.