اقش قورعانىس مينيسترلىگى شەتەلدەرگە 500 اگەنتىن جىبەرۋدى جوسپارلاپ وتىر. ولاردىڭ باستى مىندەتى – وزگە مەملەكەتتەردەن مالىمەت جيناپ، پەنتاگونعا جىبەرىپ وتىرۋ. بۇل تۋرالى امەريكالىق شەنەۋنىكتەر ءمالىم ەتتى، دەپ جازادى Washington Post گازەتىنە سىلتەمە جاساي وتىرىپ Bnews.kz.

اگەنتتەر دۇنيەنىڭ تۇكپىر-تۇكپىرىنە جىبەرىلدى. سونىڭ ىشىندە اقش ەرەكشە نىساناعا العان مەملەكەتتەردىڭ قاتارىندا «ال-كايدا» مەن «يسلام مەملەكەتى» ۇيىمىنىڭ لاڭكەستىك توپتارى قاپتاعان تاياۋ شىعىس ەلدەرى بار. 2012 جىلدىڭ سوڭىندا اقش قورعانىس مينيسترلىگىنىڭ بارلاۋ باسقارماسى مىڭداعان قىزمەتكەرىن وقىتىپ، شەت مەملەكەتتەرگە جىبەرۋدى جوسپارلاپ وتىرعان بولاتىن. بۇل قىزمەتكەرلەر اقش ورتالىق بارلاۋ باسقارماسى مەن ارنايى وپەراسيالار باسشىلىعىمەن بىرلەسىپ جۇمىس ىستەۋى كەرەك ەدى. الايدا، ەكى جىل وتكەندە بۇل جوسپار قايتا قارالىپ، كەيىنگە شەگەرىلگەن.

سۋرەت: forumdaily.com