قازاقستان ۇكىمەتى 2015 جىلدان باستاپ بالا اسىراپ العان قازاقستاندىقتارعا ءبىر رەتتىك جاردەمپۇل تاعايىندايدى. ونىڭ كولەمى 150 مىڭ تەڭگە بولادى ەكەن.

ەگەر جەتىمدەردى اسىراپ العان وتباسى ونى باعۋدان باس تارتىپ جاتسا، ەل ۇكىمەتى بەلگىلەگەن جاردەمپۇل قايتارىلىنىپ الىنادى. ءبىلىم سالاسىنىڭ ستاتيستيكاسىنا سۇيەنسەك سوڭعى بەس جىلدا بالالار ۇيىندەگى جەتىمدەردىڭ سانى ازايىپ بارادى ەكەن. بۇگىنگى تاڭدا اتالعان ورىنداردا 10 مىڭنىڭ ۇستىندە بالا بار. ءقازىر مەملەكەت ونداعى ءار بالاعا ايىنا 18 مىڭ تەڭگە قاراجات بولەدى.

جەتىم ۇل-قىزدى اسىراپ العان وتباسى، بالادان باس تارتقان جاعدايدا، مەملەكەت تولەگەن جاردەماقىنى تولىقتاي قايتارۋى ءتيىس. سوندىقتان مۇنداي كەلەڭسىز جاعدايعا تاپ بولماسى ءۇشىن جەتكىنشەكتى ءوسىرىپ جەتكىزۋگە مىندەتتى. ءبىلىم مينيسترلىگىنىڭ مالىمەتىنشە، سوڭعى 5 جىلدا بالالار ۇيىندەگى تاربيەلەنۋشىلەردىڭ سانى كۇرت ازايعان. قازىرگى تاڭدا 10 مىڭنىڭ شاماسىندا. ونىڭ ۇستىنە، مەملەكەت ءار بالاعا ايى سايىن 18 مىڭ تەڭگەدەن ءبولىپ وتىر. بۇگىنگى كۇنگە دەيىن جەتىم قالعان بالالاردى مەملەكەت مەكەمەلەرىنىڭ قارجىسىمەن قىزمەت يەسى ءوز وتباسىندا تاربيەلەسە، بۇل قىزمەتى ءۇشىن ولار اي سايىن 35 مىڭ تەڭگە الىپ كەلگەن-دى. ەندى قاڭتار ايىنان باستاپ بالا اسىراپ الۋشىلارعا مەملەكەت تولەم تولەيدى.

ءزابيرا ورازالييەۆا، بعم بالالاردى قورعاۋ كوميتەتىنىڭ ءتورايىمى:

- جاردەماقى تولەۋدىڭ ەرجەلەرى بەكىتىلدى. ونى الۋ ءۇشىن جەتىم بالانى اسىراپ الۋشى قازاقستان اۋماعىندا تۇرۋى ءتيىس. ءبىر ايتا كەتەرلىگى جاردەماقى تەك جاڭا اتا-انالارعا بەرىلەدى. بۇعان دەيىن اسىراپ العاندارعا بەرىلمەيدى.

سۋرەت: azattyq.org