25 مادەنيەت جانە شىعارماشىلىق ۇيلەر جەكەشەلەندىرۋ اياسىنداعى ساتىلىمنان شىعارىلدى. بۇل تۋرالى بۇگىن ورتالىق كوممانيكاسيالار قىزمەتىندەگى بريفينگتە ق ر قارجى مينيسترلىگى مەملەكەتتىك مۇلىك جانە جەكەشەلەندىرۋ كوميتەتىنىڭ ءتوراعاسى ەدۋارد وتەپوۆ ءمالىم ەتتى.

«بىردە ءبىر مۇراجاي نەمەسە گالەرەيا، تەاتر جەكەشەندىرىلەتىن نىساندار تىزىمىنە ەنگىزىلگەن جوق. مۇنى كوميسسيا باقىلاپ وتىر. الايدا، بۇل تىزىمگە شىعارماشىلىق جانە مادەنيەت ۇيلەرى ەنگەن بولاتىن، ءبىراق تا ءبىر اپتا بۇرىن وسى ماسەلەنى قاراستىرىپ، بۇل نىسانداردى ساۋدادان شىعارىپ تاستادى. ياعني، ولار ەندى ساۋداعا شىعارىلمايتىن بولادى. مەملەكەتتىك-جەكەمەنشىك سەرىكتەستىك اياسىندا وسى ماسەلە قاراستىرىلۋى مۇمكىن، الايدا ول قازىرگى كەزدە كەيىنگى قالدىرىلىپ وتىر. بۇل تۇرعىدا بارلىعى 25 نىسان ۇامتىلعان ەدى»،- دەدى ە.وتەپوۆ.

وسى ورايدا كوميتەت باسشىسى مادەني نىسانداردى ساۋداعا شىعارۋ كەزىندە الەمدىك تاجىريبە زەردەلەنگەنىن اتاپ ءوتتى.

اتاپ ايتقاندا، شەتەلدە مادەني نىسانداردىڭ باسىم بولىگى مەملەكەتتىك-جەكەمەنشىك سەرىكتەستىك اياسىندا قىزمەت جاساۋدا.

«قاراشا ايىندا رەسپۋبليكالىق مەنشىكتەگى 4 نىسان ساتىلىمعا شىعارىلادى. ولاردىڭ اراسىندە ەڭ ءىرى دەگەن نىسان – «قازاەروجوبا» عىلىمي-زەرتتەۋ جانە جوبالاۋ-ىزدەستىرۋ ينستيتۋتى.سونىمەن قاتار، كوممۋنالدىق مەنشىكتەگى 28 نىسان ساتىلادى. ولاردىڭ اراسىندا 6 تىلدەردى وقىتۋ، التى ب ا ق نىسانى، بەس سپورت كلۋبى، اباتتاندىرۋ سالاسىنداعى بەس نىسان بار»،-دەدى ق ر قارجى مينيسترلىگى مەملەكەتتىك مۇلىك جانە جەكەشەلەندىرۋ كوميتەتى ءتوراعاسىنىڭ ورىنباسارى عالىمجان يبرايموۆ.