جۋرناليستەردىڭ جۇمىسىنا كەدەرگى كەلتىرەتىندەر كەلەر جىلدان باستاپ، قاتاڭ جازاعا تارتىلادى. سونداي-اق بالاسىنا اليمەنت تولەۋدەن باس تارتقاندار - بۇرىن اكىمشىلىك جازامەن قۇتىلىپ كەتسە ەندى ولاردى دا - قىلمىستىق جاۋاپكەرشىلىك كۇتىپ تۇر. جول ەرەجەسىن بۇزعانى ءۇشىن، ايىپپۇلمەن عانا قۇتىلاتىن جۇرگىزۋشىلەردىڭ دە جازاسى كۇشەيتىلمەك، - دەپ حابارلايدى 31 ارنا.

بۇعان دەيىن اكىمشىلىك جاۋاپكەرشىلىكتىڭ ءوزىن قۇزىرلى ورگاننىڭ بىرنەشە قايتارا ەسكەرتۋىمەن، سەس كورسەتۋىمەن ارەڭ ورىندايتىنداردىڭ كەلەر جىلدان باستاپ، ەشكىم باسىنان سيپامايدى. مىسالعا، اتا-انالىق مىندەتىن اتقارا المايتىندارعا اياۋشىلىق جوق. مۇنىڭ ءبارى - جاڭا كودەكستە بولاتىن تەرىس قىلىق دەگەن تەرمينگە تاۋەلدى. 2015 جىلدىڭ ءبىرىنشى قاڭتارىنان باستاپ، كۇشىنە ەنەتىن كۇشەيتىلگەن كودەكس تالاپتارىن ءتۇسىندىرۋ جۇمىستارىن قاراساي اۋدانىنىڭ پروكۋرورلارى العاشقىلاردىڭ ءبىرى بولىپ، باستاپ كەتتى.

ماسەلەن، اكىمشىلىك قاماۋعا الۋ 45 تاۋلىك بولاتىن ەدى، ەندى ول 30-دان 90 تاۋلىككە دەيىن ۇزارتىلادى. بۇل اكىمشىلىك قاماۋ ەمەس، كەرىسىنشە قىلمىستىق تەرىس قىلىق ءۇشىن قاماۋ بولىپ تابىلادى. سونىمەن قاتار، قازىرگى قولدانىستاعى زاڭ بويىنشا، كولىگىمەن ادام قاققان جۇرگىزۋشى، جابىرلەنۋشى تاراپتىڭ كوڭىلىن تاپسا، قىلمىستىق ءىس قىسقارىپ جاتادى. ال، جاڭا زاڭ بويىنشا، جۇرگىزۋشىگە قاتاڭ جازا تاعايىندالىپ، ءىس قىسقارتىلمايتىن بولادى! زاڭ تالابىنىڭ بۇلاي كۇشەيتىلۋى كوپتىڭ كوڭىلىنەن شىعىپ جاتىر.

"ءبىر ۇلتتى، ءقايبىر حالىقتى قۇرتۋ ءۇشىن، وعان ەركىندىك بەرۋ كەرەك" - دەگەن دانىشپانداردىڭ ءسوزى بار. سوندىقتان ادامدارعا ەركىندىكتى شەكسىز بەرۋگە بولمايدى!

سونداي-اق، كەلەر جىلدان باستاپ، جۋرناليستەردىڭ اقپارات الۋىنا كەدەرگى كەلتىرەتىندەرگە دە قاتاڭ جازا تاعايىندالماق. ياعني، ءتىلشى جۇمىسىنا بوگەت جاسايتىندار قىلمىستىق جاۋاپكەرشىلىككە تارتىلادى.

كەز-كەلگەن تاقىرىپتا، سول تاقىرىپتى حالىققا جەتكىزۋ كەرەك! ونى كەدەرگى كەلتىرۋگە، بوگەۋگە قاقىسى جوق دەپ ويلايمىن.

يرينا سوۆەتجان قىزى

دەرەككوز: "31" ارنا