«قىتايدا ازيا-تىنىق مۇحيتى ەلدەرىنىڭ ەكونوميكالىق ىنتىماقتاستىعى ءسامميتىنىڭ فورۋمى ءوتىپ جاتقاندا كوپتەگەن قىزىقتى جايتتار ورىن الۋدا»،-دەپ جازادى شەتەلدىك باسپا سوزدەر. جۇڭگو باسشىسى سي سزينپين قۇراما شتاتتاردىڭ پرەزيدەنتى باراك وبامامەن اڭگىمەدە وتىرعان كەشتە ۆلاديمير پۋتين سي ءسزينپيننىڭ ايەلىنىڭ ءشالىسىن الىپ، ونى ارقاسىنا جاۋىپ قويعانى الەۋمەتتىك جەلىلەردە قىزۋ تالقىعا تۇزدىق بولدى»،-دەيدى عالامدىق ءىرى جاڭالىقتار اگەنتتىگى « اسسوشيەيتەد پرەسس». امەريكاندىق اقپارات كوزىنىڭ ايتۋىنشا، ءپۋتيننىڭ بۇل «ەركەكتىگى» كوپتەگەن جۇڭگو ايەلدەرىنىڭ جۇرەك قىلىن قوزعاپ ۇلگەرگەن-دى.
الايدا، جۇڭگو رەسمي بيلىك تاراپى بۇل جايتقا باسقالاي كوز-قاراس ۇستانىپ وتىر. بۇل قىزىقتى ءسات جۇڭگو ورتالىق تەلە ارناسى ارقىلى تاراتىلعان سوڭ، بەينە جازبا بۇكىل عالامتوردى شارلاپ كەتكەن. ءبىراق، كوپ وتپەي ولاردىڭ بارلىعى جۇڭگو بيلىگى تاراپىنان بارلىق سايتتارىنان وشىرىلگەن.
« قىتايلار تانىس ەمەس ەر مەن ايەلدىڭ قوعامدىق ورتاداعى ءوزارا ىس-ارەكەتتەرىنە وتە كونسەرۆاتيۆتى تۇردە قارايدى. وسى جولعى ءپۋتيننىڭ بۇل قيمىلدارى جۇڭگو ليدەرى ۇناتا قويمايتىن قوعامدىق ەرسى قالجىڭدارعا سەبەپ بولىپ كەتۋى مۇمكىن»،-دەپ تۇسىنىك بەرگەن بەيجىڭدىك تاۋەلسىز كوممەنتاتور چجان ليفان بەينە جازبانىڭ جۇڭگو عالامتورلارىنان الىنىپ تاستالۋى تۋرالى.
«جۇڭگو باق-تارى جۇڭگو باسشىسى مەن ونىڭ ايەلى پەن ليۋان اراسىنداعى ماحابباتتى قاتتى ءناسيحاتتايتىن. ال، وسى جولعى ۆلاديمير ءپۋتيننىڭ قىلىعى ءبارىن بىلىقتىرىپ جىبەرگەندەي بولدى»،- دەپ جازادى « اسسوشيەيتەد پرەسس» تاعى دا.
ۆيدەودا جۇڭگو ءبىرىنشى حانىمى پەن ليۋان ورنىنان تۇرا بەرە ۆلاديمير پۋتين جاعىنان جامىلدىرىلعان ءشالىنى يىعىنا ءىلىپ جاتىپ، وعان ءيىلىپ راحىمەت ايتادى. الايدا، سالدەن كەيىن، حانىم ونىسىن شەشىپ، ءوز كومەكشىسىنىڭ بەرۋىمەن قارا سىرت كيمىن جامىلادى.
وسىدان كەيىن بۇل قىتايلىق ينتەرنەت قولدانۋشىلار جاعىنان جاپپاي قىزۋ تالقىعا تۇسكەن. ءبىراق، كوپ ۇزاماي بۇل بەينەجازبا رەسمي بيلىك تاراپىنان بارلىق سايتتار مەن جەلىلەردەن وشىرىلگەن.
ال، مۇنى جۇڭگو ماماندارى حالىققا بارىنشا ءتۇسىندىرىپ الەك بولۋدا كورىنەدى.
« مۇنى ورىس ەركەكتەرىنىڭ ايەلدەرگە قۇرمەت بىلدىرگەندەگى ىس-ارەكەتى دەپ ءتۇسىنۋ كەرەك. رەسەي سياقتى اۋا رايى سۋىق ەلدەردە، دجەنتلمەندەر ايەلدەردىڭ سىرت كيىمدەرىن كيۋگە جانە شەشۋگە كومەكتەسۋى قالىپتى جايت»،-دەيدى قىتايلىق كوممەنتاتورلار: « ارينە، بۇل بىزگە ول ەرسى كورىنىپ تۇرسا دا».
ۆيدەو:
ت.شانشاربەك
