ءال-فارابي اتىنداعى قازۇۋ-دا جىل سايىن بىرنەشە ستۋدەنتتىك جوبالار جۇزەگە اسىرىلىپ كەلەدى. سولاردىڭ ءبىرى قازۇۋ – دىڭ «انا ءتىلى» گازەتىمەن بىرلەسكەن جوباسى «انا ءتىلى» ارۋى» جانە «جىگىت سۇلتانى» بايقاۋى. بيىلعى بايقاۋ دا ءوز سان-سالتاناتىمەن ەرەكشە ۇمىتىلماس ساتتەرگە تولى بولدى. ءار فاكۋلتەتتەن قاتىسقان ونەرلى ورەندەرگە «انا ءتىلى» رەسپۋبليكالىق گازەتىنىڭ باس رەداكتورى ورىنباسارى نۇرپەرزەنت دومباي باستاعان توپ قازىلىق ەتتى. سونىمەن قاتار ءادىل-قازىلار القاسىنىڭ قۇرامىندا ق ر ەڭبەك سىڭىرگەن قايراتكەرى «قۇرمەت»، «پاراسات» وردەندەرىنىڭ يەگەرى، ءانشى مايرا ءىلياسوۆا، پروديۋسەر الۋا قوناروۆا، «Brosh» برەندىنىڭ نەگىزىن قالاۋشى، ديزاينەر ولگا كيم، ءانشى، كومپوزيتور الي وقاپوۆ، اكتەر، تەلەجۇرگىزۋشى تاۋەكەل ءمۇسلىم، اقىن تالانت ارىنعالي، ۇلتتىق برەند ديزاينەرى جۇماعالييەۆ ءمۇسلىم، «ۇشار بي» توبىنىڭ جەتەكشىسى، حورەگراف قىرعىزبايەۆا ماقپال مۇرات قىزى، ديزاينەر اسەل ابدۋگاني بولدى.

بايقاۋدىڭ نەگىزى ۇيىمداستىرۋشىسى ستۋدەنتتەردىڭ سەنات ۇيىمى. بايقاۋدىڭ اقتىق سىنىنا دەيىن ەكى ىرىكتەۋ كەزەڭى ءوتىپ، ءبىرىنشى كەزەڭگە ۋنيۆەرسيتەتىمىزدىڭ 300-گە جۋىق ۇل-قىزدارى ءوتىنىش ءبىلدىرىپ، ولاردىڭ 90-ى ەكىنشى كەزەڭگە وتكەن. ەڭ ونەرلى، تالانتتى، ءبىلىمدى دەگەن 8 جۇپ تاڭدالىپ الىنعان. بايقاۋ تانىستىرۋ، ءسان دەفيلەسى جانە سۇراق-جاۋاپ سايىسى، ونەر سايىسى، «Be Free» كيىم ۇلگىسىن كورسەتۋ سياقتى ءتورت كەزەڭدى قامتىدى. سونىمەن قاتار «انا ءتىلى» ارۋى» «جىگىت سۇلتانى» بايقاۋىنىڭ تاماشا وتۋىنە قولداۋ كورسەتكەن دەمەۋشىلەردى ەرەكشە اتاۋعا بولادى. ولار: «ريتس پالاس» ساۋدا ورتالىعى، «Brosh» اكسەسسۋارلار گالەرەياسى، «سۇڭقار» ستۋدەنتتەر كاسىپوداعى، «بەلايا ورحيدەيا» گۇلدەر دۇكەنى، كۋانىش يۋلداشيەۆ فوتوستۋدياسى، «سانيامەيكاپ» ستۋدياسى، «Perfect Models» مودەلدىك ورتالىعى، «نەكافە» مەيرامحانالار جەلىسى، ديزاينەر «مۋكاجان»، «Befree» كيىمدەر دۇكەنى، ق ر ءبىرىنشى پرەزيدەنت يپپودرومى، «The gentleman» جاڭا كيىم ۇلگىسى، ءمۇسلىم جۇماعالييەۆتىڭ ۇلتتىق ديزاينەرلىك كيىم ۇلگىلەرى بولدى.

بايقاۋدىڭ بارلىق كەزەڭدەرىنەن سۇرىنبەي وتكەن جەڭىمپازداردىڭ قاي-قايسىسى دا جۇلدەسىز، سىي-سىياپاتسىز قالمادى. بارلىق ارۋ، سۇلتاندار ءوز ونەرلەرىمەن كورەرمەندى ءتانتى ەتتى. اسىرەسە، زاڭ فاكۋلتەتىنىڭ ستۋدەنتى پوشايەۆ ازامات پەن فيلوسوفيا جانە ساياساتتانۋ فاكۋلتەتىنىڭ ستۋدەنتى سارسەمباي شىرايلىمنىڭ «انا تۋرالى اڭىز» ساحنالىق كورىنىسى، گەوگرافيا جانە تابيعاتتى پايدالانۋ فاكۋلتەتىنىڭ ستۋدەنتى مولداش گۇلزاتتىڭ «ساربازدار» ءانى، جۋرناليستيكا فاكۋلتەتىنىڭ ستۋدەنتى ءابدىقادىر ەڭلىك ش.ايتماتوۆتىڭ «قىزىل ورامال شىنارىم» قويىلىمىنان قويعان ءۇزىندىسى، اتالعان فاكۋلتەتتىڭ ستۋدەنتى قابدولدانوۆ الىشەردىڭ «اناعا حات» قويلىمى، فيلولوگيا ادەبيەتتانۋ جانە الەم تىلدەرى فاكۋلتەتىنىڭ ارۋى ءابدىماناپ مادينانىڭ «ازات ەلدىڭ ارۋى» شىعارماسى، فيلوسوفيا جانە ساياساتتانۋ فاكۋلتەتىنىڭ ستۋدەنتى جۇبانىشوۆ اقنيەت سۋىرىپ سالما ونەرى حالىقتىڭ ريزاشىلىعىنا بولەندى.

سونىمەن بايقاۋ قورىتىندىسى بويىنشا «Brosh» ارۋى تاريح ارحەولوگيا جانە ەتنولوگيا فاكۋلتەتىنەن قادىرعالييەۆا گۇلمارجان، «Perfect Models» ارۋى حالىقارالىق قاتىناستار فاكۋلتەتىنەن ديقانبايەۆا ءاسيا لايىقتى دەپ تانىلدى. جۇلدەلى 2-ورىن فيزيكا-تەحنيكالىق فاكۋلتەتىنەن كوپباي قىمبات پەن باەكەشيەۆ نۇرداۋلەتكە بۇيىردى. ال، 1-ورىن فيلولوگيا ادەبيەتتانۋ جانە الەم تىلدەرى فاكۋلتەتىنەن ءابدىماناپ مادينا مەن جۋرناليستيكا فاكۋلتەتىنەن قابدولدانوۆ الىشەر يەلەندى. بايقاۋدىڭ باس جۇلدە يەگەرلەرى جۋرناليستيكا فاكۋلتەتىنىڭ ستۋدەنتى ءابدىقادىر ەڭلىك «انا ءتىلى» ارۋى»، فيلوسوفيا جانە ساياساتتانۋ فاكۋلتەتىنىڭ ستۋدەنتى جۇبانىشوۆ اقنيەت «جىگىت سۇلتانى» اتاندى. بايقاۋدىڭ ءادىل-قازىلار القاسىنىڭ مۇشەسى مايرا ءىلياسوۆا اپايىمىز ايتقانداي: «سىزدەر بارلىق اتاققا لايىقسىزدار، سىزدەردىڭ ءارقايسىسىڭىز باس جۇلدە يەگەرىسىزدەر!». سوندىقتان بارلىق ونەرلەرى ءورىستى جەڭىمپازدارىمىزعا بولاشاقتا دا بيىك بەلەستەردى باعىندىرا بەرىڭىزدەر دەمەكپىز!

ايگەرىم ءالىمجان، باسپا ءسوز جانە ەلەكتروندى ب ا ق كافەدراسى مەڭگەرۋشىسىنىڭ ورىنباسارى، اعا وقىتۋشى