تۇركيادا العاش رەت رەجيسسسەر قاليلا وماروۆتىڭ «الاشوردا» اتتى دەرەكتى ءفيلمى كورەرمەن نازارىنا ۇسىنىلدى. كونيا قالاسىندا ىسكە اسقان اتالمىش ءىس-شارا «انكارا قازاق جاستارى» بىرلەستىگىنىڭ جەتەكشىسى مىرزاحان بايجان ۇلىنىڭ اتسالىسۋىمەن جانە كونيا قالاسىنداعى «الاش جاستارى» ينتەللەكتۋالدىق كلۋبىنىڭ ۇيىمداستىرۋىمەن جۇزەگە استى.
كينورەجيسسەر-دوكۋمەنتاليست قاليلا وماروۆپەن كەزدەسۋدە رەجيسسەر الاش ارىستارىنىڭ ومىرىنەن ءبىز بىلمەيتىن قىزىقتى مالىمەتتەرمەن بولىسە وتىرىپ، «الاش جاستارى» ينتەللەكتۋالدىق كلۋبىمەن كەزدەسكەنىنە، «الاشوردا» ءفيلمىنىڭ العاش رەت شەتەلدە كورسەتىلگەنىنە قۋانىشىن ءبىلدىردى. قازاق مۇددەسى ءۇشىن ءبىر ماقساتتا باس قوسقان التى الاشتىڭ ۇلدارىنىڭ تاريحىن باياندايتىن، ستاليندىك رەپرەسسيانىڭ جازىقسىز قۇربانى بولعان الاش زيالىلارىنىڭ ومىرىنەن سىر شەرتكەن «الاشوردا» دەرەكتى ءفيلمى كورەرمەنگە ۇلكەن اسەر قالدىردى. كەزدەسۋ بارىسىندا «الاش جاستارىنىڭ» مۇشەسى ەرجان ارقابايەۆتىڭ ورىنداۋىندا «الاش» كۇيى سىيعا تارتىلدى.
قازاق تاريحىن كينو تىلىمەن سويلەتكەن رەجيسسەر قاليلا اعامىزعا كەزدەسۋ سوڭىندا «الاش جاستارى» ينتەللەكتۋالدىق كلۋبى اتىنان ساۋعا جانە العىس حات بەرىلدى.
سارپەكوۆا ايگەرىم، «الاش جاستارى» ينتەللەكلۋالدىق كلۋبى، اقپارات ءبولىمى مۇشەسى
