بۇگىن پارلامەنت سەناتىنىڭ جالپى وتىرىسىندا پالاتا دەپۋتاتتارى «قازاقستان رەسپۋبليكاسىنىڭ ۇكىمەتى مەن جۇڭگو حالىق رەسپۋبليكاسىنىڭ ۇكىمەتى اراسىنداعى ديپلوماتيالىق وكىلدىكتەردىڭ عيماراتتارىن سالۋ ءۇشىن جەر ۋچاسكەلەرىن ءوزارا بەرۋ تۋرالى كەلىسىمدى راتيفيكاسيالۋ تۋرالى» ق ر زاڭىن قابىلدادى.

اتالعان كەلىسىمگە 2013 جىلدىڭ 7 قىركۇيەگىندە استانا قالاسىندا قول قويىلعان. كەلىسىمنىڭ ماقساتى ەكى ەل اراسىنداعى دوستىق قارىم-قاتىناستاردى نىعايتۋ بولىپ تابىلادى. سونىمەن قاتار، قازاقستان رەسپۋبليكاسىنىڭ جۇڭگو حالىق رەسپۋبليكاسىنداعى، ال قحر-دىڭ قازاقستان رەسپۋبليكاسىنداعى ديپلوماتيالىق وكىلدىكتەرىنىڭ بولۋى مەن جۇمىس ىستەۋىنىڭ ءتيىستى جاعدايلارىن قامتاماسىز ەتۋ كوزدەلەدى.

بۇل رەتتە كەلىسىمگە سايكەس، قازاقستان قىتايعا ەلشىلىك عيماراتتارىن سالۋ ءۇشىن استانا قالاسىنداعى تاۋەلسىزدىك داڭعىلى بويىنان اۋماعى 3 گەكتار جەر ۋچاسكەسىن قىرىق توعىز جىل مەرزىمگە ۋاقىتشا جالعا بەرىلەدى. ال جۇڭگو تاراپىنان قازاقستانعا ءبىزدىڭ ەلىمىزدىڭ ەلشىسىنىڭ رەزيدەنسياسىن سالۋ ءۇشىن بەيجىڭ قالاسىنىڭ 3-ديپلوماتيالىق اۋدانىندا الاڭى 0،2316 گەكتار جەر ۋچاسكەسىن جانە ق ر ەلشىلىگىنىڭ عيماراتىن سالۋ ءۇشىن بەيجىڭ قالاسىنىڭ 4-ديپلوماتيالىق اۋدانىنان الاڭى ءبىر گەكتار جەر ۋچاسكەسىن قىرىق توعىز جىلعا جالعا بەرىلەدى.

توقتالا كەتەتىن جايت، ءقازىر قازاقستان ەلشىلىگىندە 0،53 گەكتار اۋماقتى قۇرايتىن جەر ۋچاسكەسى بار، وسىنىڭ بارلىعىن قوسقاندا بەيجىڭ قالاسىندا قازاقستانعا قاراستى جالعا بەرىلەتىن جەر ۋچاسكەلەرى 1،76 گەكتاردى قۇرايتىن بولادى.

كەلىسىمگە سايكەس، جەر ۋچاسكەلەرىن پايدالانعانى ءۇشىن جالعا الۋ اقىسىن قوسپاعاندا، جەر ۋچاسكەلەرىندەگى ديپلوماتيالىق وكىلدىكتەردىڭ عيماراتتارى بارلىق سالىقتاردان جانە مىندەتتى تولەمدەردەن بوساتىلادى.