جاز كوڭىلىن - سالقىنداۋ كۇز الادى،
اۋىر سوزدەن جۇرەكتە - ءىز قالادى...
ول انانىڭ، اكەنىڭ - جالعىز گ ۇلى،
رەنجىتپەگىن!
ۇرماعىن - قىز بالانى.
بوقتاۋعا دا، ۇرىسىپ، ۇرۋعا دا،
باسقا شىعىپ، باسىنىپ تۇرۋعا دا.
قۇقىعىڭ جوق!
سەن ەمەس! تاپقان، باققان...
...بار مىندەتىڭ،
باقىتتى - قىلۋ عانا.
جىگىتپىسىڭ؟؟؟
دالەلدە - اقىلىڭمەن،
اقىلىڭمەن، سابىرمەن، اقىرىن كەل.
جايمەن ايتقىن، ءتۇسىندىر - تۇيسىگى بار،
قول كوتەرسەڭ، كورگەندەر - ماقۇرىم دەر...
اكەسىندەي - ەركەلەت، مەيىرىممەن،
اعاسىنداي - قورعاعىن، پەيىلىڭمەن.
ءوز دوسىڭداي - سىرلاس تا، جاقىن تارتىپ،
ءوز جانىڭداي سۇيگەيسىڭ، "سەن كۇنىم" - دەپ.
اۆتورى: بەك جىلقىبايەۆ
