بۇگىن ق ر اقپارات جانە كوممۋنيكاسيالار ءمينيسترى داۋرەن ابايەۆ پەن ارگەنتينانىڭ بۇقارالىق اقپارات قۇرالدارى جانە قوعامدىق پىكىر ءمينيسترى ەرنان لومباردي ءوزارا ىنتىماقتاستىق تۋرالى مەموراندۋمدى راسىمدەدى، دەپ xابارلايدى Qamshy.kz اقپارات اگەنتتىگى قازاقپاراتقا سىلتەمە جاساپ.

«مەموراندۋم اياسىندا جاڭالىقتارمەن، دەرەكتى فيلمدەرمەن الماسىپ، سپورت سالاسىندا اقپاراتتاردى دا جاريالاۋ جوسپارلانعان. بۇدان بولەك، جۋرناليست مامانداردى بىرلەسىپ دايارلاۋ قاراستىرىلعان»، - دەدى ەرنان لومباردي جۋرناليستەرگە بەرگەن سۇxباتىندا. شارا اياسىندا مينيستر ابايەۆ شەتەلدىك مەيمانعا «قازمەديا» ورتالىعىن ارالاتتى.

ايتا كەتكەن ءجون، قازاقستان مەن ارگەنتينا اراسىنداعى ديپلوماتيالىق قارىم-قاتىناستار 1993 جىلى 25 ماۋسىمدا ورناعان بولاتىن. سودان بەرى ساۋدا-ەكونوميكالىق جانە مادەني-گۋمانيتارلىق سالادا سان الۋان قۇجاتتارعا قول قويىلدى.

بيىل ارگەنتينا ەكسپو-2017 كورمەسىنە قاتىسىپ، جەكە پاۆيلونىن اشىپ وتىر. اتالعان پاۆيلوننىڭ ۇلتتىق كوميسسارى - ارگەنتينانىڭ بۇقارالىق اقپارات قۇرالدارى جانە قوعامدىق پىكىر ءمينيسترى ەرنان لومباردي.

ەرتەڭ، 23 شىلدە كۇنى كورمە ايماعىندا ارگەنتينانىڭ ۇلتتىق كۇنى اتالىپ وتەدى. وعان دا ق ر اقپارات جانە كوممۋنيكاسيالار ءمينيسترى داۋرەن ابايەۆ قاتىسادى.