وزبەكستان مۇسىلماندارى ءدىني باسقارماسى جوعارعى وقۋ ورىندارىنا ەمتيحان تاپسىراتىن تالاپكەرلەر ءۇشىن ءۇش دۇعا جاريالاعان، دەپ جازادى Qamshy.kz اقپارات اگەنتتىگى.

دۇعالاردى ساتتىلىككە باستار جول دەپ سەندىردى. «سەنىمدى نىعايتىپ، تالاپكەرلەر مەن ولاردىڭ جاقىندارىنا تىنىشتىق سىيلايدى»، - دەلىنگەن باسقرامانىڭ باسپا ءسوز قىزمەتىندە.

العاشقى دۇعا ەمتيحاننىڭ ءساتتى اياقتالۋىنا ارنالعان. مازمۇنى مىناداي: «اللام، جەڭىل ەت، اۋرە-سارساڭعا سالدىرما. بۇل ءىسىمىزدىڭ ءساتتى اياقتالۋىن ءناسىپ ەتكەيسىڭ».

ال ەكىنشىسى تالاپكەرلەردىڭ كوممۋنيكاتيۆتىك داعدىلارىن جەتىلدىرۋگە ارنالعان.

«قۇدايىم! جۇرەگىمدى كەڭ ەت. ءىسىمدى وڭىنان ەت. تىلىمدەگى ءتۇيىندى شەشكەيسىڭ. ولاردىڭ مەنى ءتۇسىنۋىن جەڭىلدەتكەيسىڭ».

ءۇشىنشى دۇعا «ءبىلىم مەن وي-سانانى» ارتتىرادى. تالاپكەردىڭ ەمتيحاندا ءوزىن سەنىمدى ۇستاۋىنا جول اشادى.