ق ر ءبىلىم جانە عىلىم ءمينيسترى ەرلان ساعادييەۆ  "100 ناقتى قادام" ۇلت جوسپارىن ىسكە اسىرۋعا ارنالعان باسپا ءسوز كونفەرەنسياسىندا ەڭ وزەكتى سۇراقتارعا جاۋاپ بەردى. ونىڭ ىشىندە مەملەكەتتىك گرانتتاردىڭ كوبەيۋۋى جانە لاتىن الىپبيىنە كوشۋ ماسەلەسى بار دەپ حابارلايدى Qamshy.kz  اقپارات اگەنتتىگى.

ق ر ءبىلىم جانە عىلىم ءمينيسترىنىڭ سوزىنشە، وسى جىلى گرانت باكالاۆرياتقا  6 مىڭعا، ال ماگيستراتۋراعا 3 مىڭعا ارتتى.

 «باكالاۆرياتقا گرانت 31 مىڭنان 37-گە كوبەيدى جانە ماگيستراتۋراعا گرانت 7 مىڭنان 10 مىڭعا كوتەرىلدى. سونىمەن قاتار، PhD-گە گرانت ەكى ەسەگە ارتتى. ءبىز گرانتتاردىڭ بارلىق ماماندىق پەن سالا بويىنشا بىردەي ءبولىنۋىن قاداعالادىق. پەداگوگيكالىق ماماندىقتارعا باسىمدىلىق بەردىك. وعان باسقالارىمەن سالىستىرعاندا گرانت 20% ارتىق ءبولىندى. جالپى گرانتتار بىردەي تاعايىندالدى» دەدى ساعادييەۆ.

 لاتىن الىپبيىنە كوشۋ تۋرالى دا  مينيستر ءوز پىكىرىن ءبىلدىردى.

«لاتىن الىپبيىنە كوشۋ ماسەلەسىنە كەلەتىن بولساق، بۇل ماڭىزدى جوبا. مۇندا قاتەلەسپەي، بارىنشا مۇقيات بولعان ءجون. بيىل بارشامىزعا ءتيىمدى ءالىپبيدى قابىلداۋ كەرەك. بىرنەشە نۇسقاسىن دايىنداۋ، ولاردى تالقىلاپ، ءتيىمدىسىن قابىلداۋ جانە ودان ءارى لاتىن الىپبيىنە كوشۋ بويىنشا جۇمىس جوسپارىن ازىرلەۋ قاجەت»، - دەدى ول.

ءمينيستردىڭ ايتۋىنشا، ءقازىر ارنايى كوميسسيا قۇرىلىپ، وسى ماسەلە بويىنشا جۇمىس ىستەپ جاتىر. 

ەسكە سالا كەتەيىك، بۇرىن ەلباسى نۇرسۇلتان نازاربايەۆ ءوزىنىڭ "بولاشاققا باعدار: رۋحاني جاڭعىرۋ" اتتى باعدارلامالىق ماقالاسىندا 2017 جىلدىڭ سوڭىنا دەيىن لاتىن ءالىپبيىنىڭ جوباسىن ازىرلەۋدى تاپسىرعان بولاتىن.