سولتۇستىك كورەيا كەزەكتى زىمىراندارىن سىناۋ ءۇشىن دايىندالىپ جاتىر، دەپ جازادى Qamshy.kz اقپارات اگەنتتىگى. بۇل تۋرالى اقش اكىمشىلىگى Reuters اگەنتتىگىنە حابارلاعان. امەريكالىق بارلاۋ كۋسون قالاسىنداعى قۇرىلىقارالىق زىمىرانداردى ىسكە قوسۋ ءۇشىن جابدىقتاردى تاسىمالداۋ جونىندە حاباردار بولدى.

The New York Times باسىلىمىنىڭ مالىمەتىنشە، امەريكالىق بارلاۋ قىزمەتكەرلەرى سولتۇستىك كورەيانىڭ اقش قۇرلىعىنا دەيىن جەتەتىن بالليستيكالىق زىمىرانداردى جاساۋ جۇمىستارىنىڭ قاشان اياقتالاتىنى جونىندە بولجاپ كوردى. ۆاشينگتون زىمىران الداعى جىلى دايىن بولادى دەيدى.

4 شىلدەدە كحدر قۇرىلىقارالىق بالليستيكالىق زىمىرانىن سىناۋ پروسەسى ءساتتى اياقتالعان. مۇنداي شەشىمدى امەريكالىق اسكەري ساراپشىلار ايتتى. ولار «پحەنياندا امەريكاداعى الياسكا جانە گاۆايي اۋماقتارىنا يادرولىق سوققى جاساي الاتىن زىمىران پايدا بولعان» دەپ مالىمدەگەن.