اقش قارجى مينيسترلىگى زىمىران باعدارلاماسىنا جاۋاپ رەتىندە يرانعا جاڭا سانكسيالار ەنگىزدى، دەپ جازادى Qamshy.kz اقپارات اگەنتتىگى.
شەكەتۋلەر يراننىڭ بالليستيكالىق زىمىران وندىرۋدە ورتالىق ءرول اتقارعان Shahid Hemmat Industrial Group كومپانياسىنىڭ التى فيليالىنا ەنگىزىلدى. ولاردىڭ اقش-تاعى قارجىلىق اكتيۆتەرى بۇعاتتالدى، سونداي-اق امەريكالىق ازاماتتاردىڭ اتالمىش كومپانيامەن قانداي دا ءبىر كەلىسىمگە كەلۋىنە تىيىم سالىندى.
قارجى ءمينيسترى ستيۆەن منۋچين بۇل سانكسيالاردىڭ ەنگىزىلۋى يراننىڭ 27 شىلدە كۇنى عارىشتىق زىمىراندى ۇشىرۋى مەن ساۋد ارابياسىنا اتقىلاعانىنا جاۋاپ ەكەنىن ءمالىم ەتتى.
پىكىر قالدىرۋ