"سەرى" جىگىت گيتارامەن اۆتوبۋستاردا ەلوردالىق جولاۋشىلاردىڭ كوڭىلىن كوتەرۋدە، دەپ جازادى Qamshy.kz اقپارات اگەنتتىگى.

ءانشى ءارتۇرلى باعىتتاعى اۆتوبۋستاردا ءان شىرقاپ ءجۇر. اۆتوبۋس جۇلدىزى ونەرى ءۇشىن اقشا جيناعانىن ەشكىم بايقاماعان. بۇل تۋرالى ەلوردا اكىمدىگىنىڭ مەديا ورتالىعى حابارلايدى.

باسىندا قالپاعى بار، رياسىز جىميىپ قانا مۇرتتى ازامات قالالىق مارشرۋتتاردا ءان سالىپ، جولاۋشىلاردى تاڭعالدىرۋدا. ونىڭ رەپەرتۋارىندا قازاق، ورىس تىلدەرىندەگى اندەر بار. كەيدە اۆتوبۋس ءارتىسى تىڭدارماندارعا ءان تاڭداۋدى ۇسىنادى.

جولاۋشىلار مۋزىكانتتى ءارقالاي قابىلدايدى: بىرەۋلەر ءۇنسىز تىڭداسا، كەيبىرى قوشەمەتىن ايامايدى، ال ءبىرى تەلەفونعا ءتۇسىرىپ قىزىقتايدى.

استانا اكىمدىگىنىڭ مەديا ورتالىق تىلشىلەرى قالالىق اۆتوبۋستاردىڭ بىرىنە كىرىپ، ءانشىنى كەزدەيسوق كەزىكتىرىپ قالىپ، جولاۋشىلاردىڭ كوڭىل كۇيىن كوتەرىپ جۇرگەن وعان سۇراق قويۋعا اسىقتى.

ماحامبەت ءوزى تۋرالى كوپ ايتپادى. ول ءوزى شىمكەنتتەن استاناعا شاقىرتۋ بويىنشا كەلگەن. كافەدە ونەر كورسەتىپتى، الايدا وندا وعان نازار مەن قوشەمەت ازدىق ەتكەنىن ايتادى. بۇل ونىڭ قالجىڭى نەمەسە شىن ءسوزى ەكەنى بەلگىسىز.

جولاۋشىلار كولىگى باسقارماسى ءانشى ءارتۇرلى باعىتتاعى قوعامدىق كولىكتەردە جولاقاسىن تولەپ، شىن بەرىلىپ ءانىن شىرقاپ جۇرگەنىن جەتكىزدى. ونەرى ءۇشىن اۆتوبۋستاردا اقشا جيناپ جۇرگەنى ءالى بايقالماعان.