ۆاشينگتون ۇلتتىق قۇرىلتاي وتىرىسىنداعى سايلاۋعا جاۋاپ رەتىندە ۆەنەسۋەلاعا قارسى جاڭا سانكسيالار ەنگىزبەك، دەپ جازادى Qamshy.kz اقپارات اگەنتتىگى. بۇل تۋرالى  Reuters امەريكالىق شەنەۋنىكتەرگە سىلتەمە جاساپ حابارلايدى.

اگەنتتىكتىڭ مالىمەتىنشە، سانكسيا شارالارى امەريكالىق شيكى مۇناي جەتكىزىلىمدەرىنە قاتىستى بولۋى مۇمكىن. سونداي-اق، جوعارعى لاۋازىمداعى شەنەۋنىكتەرگە دە قاتىسى بارىن ايتادى.

ۆاشينگتوننىڭ ۆەنەسۋەلاداعى جاعدايى جايىنداعى پىكىرى اقش-تىڭ مەملەكەتتىك دەپارتامەنتىندە مالىمدەلگەن:

«ءبىز ۆەنەسۋەلا ساۋلەتشىلەرىنىڭ وكتەمشىلدىگىنە قارسى قاتاڭ ءارى تەز شارالاردى قولدانۋدى جالعاستىرامىز. اڭگىمە داۋىس بەرۋ ارقىلى ۇلتتىق قۇرىلتاي وتىرىسىنا قاتىسقاندارعا قاتىستى ايتىلدى»، - دەپ جازدى مەملەكەتتك دەپارتامەنت وكىلى حەزەر ناۋەرت.

اقش بۇعان دەيىن ۆەنەسۋەلاعا قاتىستى سانكسيالار جۇرگىزگەن: «زورلىق-زومبىلىق پەن قۋعىن-سۇرگىن»، «دەموكراتياعا نۇقسان كەلتىرگەنى»، سونداي-اق «سىبايلاس-جەمقورلىق مەملەكەتتىك قۇرىلىمدار» ءۇشىن. ۆەنەسۋەلا پرەزيدەنتى نيكولاس مۋدرو سانكسيا استىندا قالعان لاۋازىمدى تۇلعالاردى ماراپاتتاپ، مەملەكەتتىك ۇلتتىق باتىرى سيمون بوليۆاردىڭ سەمسەرىن تابىستاعان.

ايتا كەتەيىك، سوڭعى جىلدارى ۆەنەسۋەلا اۋىر ەكونوميكالىق داعدارىستى باستان كەشىپ كەلەدى. بىرنەشە ۋاقىتتان بەرى مەملەكەتتە ازىق-تۇلىك، دارى-دارمەك، باسقا دا تاۋارلاردىڭ تاپشىلىعى بايقالادى.

ال ساۋىردەن بەرى مادۋرونىڭ بيلىكتەن كەتۋىن تالاپ ەتكەن ۆەنەسۋەلا تۇرعىندارى كۇندە شەرۋگە شىعادى.

شىلدەنىڭ ورتاسىندا وپپوزيسيا ۇيىمداستىرعان رەفەرەندۋمدا سايلاۋشىلاردىڭ 98%-ى مادۋرو ۇسىنعان كونستيتۋسياعا قارسى داۋىس بەردى. پرەزيدەنت پارلامەنتتى اۋىستىرىپ، كونستيتۋسياعا وزگەرىس ەنگىزۋگە مۇمكىندىك بەرەتىن كونستيتۋسيالاق اسسامبلەيا قۇرۋدى كوزدەيدى.

ۆەنەسۋەلا بيلىگى 28 شىلدەدەن 30 شىلدەگە دەيىن قۇرىلتاي وتىرىسىنداعى سايلاۋعا بايلانىستى نارازىلىق شەرۋلەرىن وتكىزۋگە تىيىم سالعان. بۇيرىققا قۇلاق اسپاعان ادامدى 10 جىلعا باس بوستاندىعىنان ايىرۋ جونىندە ەسكەرتىلدى.