ءازىربايجاننىڭ «مۋساۆات» اتتى بەدەلدى باسىلىمىندا EXPO-2017 كورمەسىنە قاتىستى رەپورتاج جارىق كوردى، دەپ جازادى Qamshy.kz اقپارات اگەنتتىگى.

24.kz پورتالىنىڭ مالىمەتىنە سۇيەنسەك، الەم كوز تىككەن بۇل شارا ميلاندا وتكەن EXPO-مەن سالىستىرىلعان. ناتيجەسىندە، قازاقستاننىڭ وتە تىڭعىلىقتى دايىندالعانى جان-جاقتى جازىلعان. اسىرەسە كورمەدەگى تەمىردەي ءتارتىپ پەن قاۋىپسىزدىك، ەرىكتىلەردىڭ جۇمىسى، تىڭ تەحنولوگيالار كوپتىڭ كوڭىلىنەن شىققانى باسا ايتىلعان. اۆتور كورمەگە اعىلعان حالىقتىڭ سانىندا شەك جوق ەكەندىگىنە ەرەكشە توقتالعان.

وسى ورايدا شەتەلدىكتەر ەنەرگياعا قاتىستى باستامالارعا بارىنشا ءمان بەرىپ، پايدالى يگىلىكتەردى يگەرۋگە كوڭىل ءبولىپ وتىرعانى دا جازىلعان. بۇل رەتتە مەملەكەت كۇن مەن جەل جانە بيولوگيالىق رەسۋرستاردى نەگىزگە العان. وسىنىڭ بارلىعىن كوزبەن كورۋ ءۇشىن كورمەگە بارعان ءجون دەپ اتاپ وتىلگەن باسىلىمدا. اۆتور قالانىڭ قاي بۇرىشىنان كوز تاستاساڭ دا، مەنمۇڭدالاپ تۇرعان قازاقستاننىڭ ۇلتتىق پاۆيلونىنىڭ شوقتىعى بيىك ەكەندىگىن ەرەكشە سيپاتتاعان.