ەۋروپالىقتار كۇننىڭ قاتتى ىسۋىنان  زارداپ شەگۋدە. اۋا تەمپەراتۋراسى ورتالىق، شىعىس جانە باتىس ەۋروپا ەلدەرىندە جوعارىلاپ، فرانسيا مەن يتاليادا سۋدىڭ جەتىسپەۋشىلىگى بەلەڭ الدى، دەپ جازادى Qamshy.kz اقپارات اگەنتتىگى segodnya.ua مالىمەتىنە سۇيەنىپ.

فرانسيا جەرىندە ورنالاسقان كورسيك ارالىندا اۋا تەمپەراتۋراسى 42 گرادۋس سەلسيا. بۇل كورسەتكىش تۇنگى ۋاقىتتا 30 گرادۋسقا دەيىن تومەندەيدى.

جەرگىلىكتى جەردىڭ مەديسينا قىزمەتكەرلەرى مەن ءورت سوندىرۋشىلەرى توتەنشە جاعدايعا دايىن وتىر.

زارداپ شەگىپ وتىرعانداردىڭ اراسىندا يتاليا دا بار. 27 قالاسىنداعى اپتاپ ىستىق سالدارىنان يتاليا قاۋىپتىلىك جاعىنان «قىزىل دەڭگەيدى» كورسەتىپ تۇر.  سونىمەن قوسا، قۇرعاقشىلىق  ەگىن القاپتارىن زاقىمداعان.

ەميليا-رومانيا مەن توسكانا اۋداندارىندا سۋ تاپشىلىعىنان بىرنەشە اۋىل شارۋاشىلىق جەرلەرى زاقىمدانىپ، 2 ملرد. ەۆرو شىعىن كەلگەن.

ۆاتيكانداعى قاسيەتتى پەتر الاڭىندا فونتاندار وشىرىلگەن. ۆاتيكان ونى سۋدى ۇنەمدەۋ ءۇشىن ءبىرىنشى رەت ءوشىرىپ تۇر.