ادىلەت مينيسترلىگى قازاقستاندا تىركەلگەن نەكەلەر مەن اجىراسقان وتباسىلاردىڭ سانى قانشا ەكەنىن ايتتى دەپ حابارلايدى Qamshy.kz اقپارات اگەنتتىگى Tengrinews.kz-كە سىلتەمە جاساي وتىرىپ.  

ۆەدومستۆوداعىلاردىڭ رەسمي ساۋالعا بەرگەن جاۋابىندا قازاقستاندا 1 تامىزداعى جاعداي بويىنشا 75 701 نەكەگە تۇرۋ اكتىسى مەن 31 469 اجىراسۋ اكتىسى تىركەلگەنى ايتىلادى. نەكەگە تۇرۋ دەرەگى بويىنشا وڭتۇستىك قازاقستان وبلىسىنىڭ تۇرعىندارى كوش باستاپ تۇر. وندا 11 279 نەكە تىركەلگەن. كەيىنىرەك تىزىمدە الماتى - 9 278، الماتى وبلىسىندا - 8 034 نەكەگە تۇرۋ اكتىسى تىركەلگەن. ەلوردامىز بۇل ءتىزىمنىڭ 4-ورنىنا تۇراقتادى. استانادا بيىل 6 034 نەكە تىركەلگەن.

سونداي-اق، ستاتيستيكاعا قاراعاندا، اجىراسۋ دەرەگى ەڭ كوپ تىركەلگەن ءوڭىردىڭ كوش باسىندا وڭتۇستىك قازاقستان وبلىسى تۇر. وقو-دا بيىل 3 108 اجىراسۋ اكتىسى تولتىرىلعان. ەڭ كوپ اجىراسۋ اكتىسى تىركەلگەن وڭىرلەردىڭ تىزىمىندە اقمولا وبلىسى 1-ورىندا تۇر. اقمولا وبلىسىندا 2 771 نەكە، 1 508 اجىراسۋ دەرەگى تىركەلگەن.