اقمولا وبلىسىنا جۇمىس ساپارى اياسىندا ق ر پرەمەر-مينيسترى باقىتجان ساعىنتايەۆ كوكشەتاۋ قالاسىنىڭ جۇمىسپەن قامتۋ ورتالىعىن ارالادى جانە ءوڭىردىڭ تۇرعىندارىن ەڭبەكپەن قامتۋعا جاردەمدەسۋ شارالارىن قارادى دەپ حابارلايدى Qamshy.kz اقپارات اگەنتتىگى.

ورتالىقتى ارالاۋ بارىسىندا باقىتجان ساعىنتايەۆ وپەراتورلار جۇمىس جاسايتىن وپەراسيالىق زالدى قاراپ شىقتى. ءوز كەزەگىندە مەكەمە ديرەكتورى ەرىك مۇراتبەكوۆ ءوڭىر تۇرعىندارىنا ەڭبەكپەن قامتۋعا كومەك كورسەتۋدىڭ ىسكە اسىرىلىپ جاتقان باعدارلامالارى تۋرالى بايانداما جاسادى.

2017 جىلى ورتالىقتىڭ جاردەمدەسۋىمەن 706 ادام ەڭبەكپەن قامتىلدى، 90-عا جۋىق ادام كاسىپتىك وقىتۋدان ءوتتى، 193 ادام قوعامدىق جۇمىستارعا، 51 ادام – ۋاقىتشا الەۋمەتتىك جۇمىس ورىندارىنا جانە تاعى 33 ادام جاستار ىس-تاجىريبەسىنە باعىتتالدى.  

ايتار بولساق، ۇكىمەت جۇمىسپەن قامتۋ ماسەلەسىن تۇراقتى باقىلاۋدا ۇستايدى. جۇمىس ساپارلارى بارىسىندا باقىتجان ساعىنتايەۆ جەرگىلىكتى اتقارۋشى ورگانداردىڭ جانە بيزنەس وكىلدەرىنىڭ نازارىن جاڭا جۇمىس ورىندارىن، اسىرەسە ەكونوميكا سەكتورلارىندا قۇرۋ قاجەتتىلىگىنە اۋدارتادى، ولار باسقا سالالاردان الەۋەتتى جۇمىستان بوساعان جۇمىسشىلاردىڭ اعىمىن قابىلداي الادى.

سونداي-اق، 2017 جىلدىڭ باسىنان باستاپ قازاقستاندا ءونىمدى جۇمىسپەن قامتۋ جانە جاپپاي كاسىپكەرلىكتى دامىتۋ جاڭا باعدارلاماسى ىسكە اسىرىلۋدا، وندا ءوز كاسىبىن اشقىسى كەلەتىن، نەمەسە جۇمىسقا تۇرعىسى كەلەتىن ادامداردى قولداۋ بويىنشا ءبىرقاتار تەتىكتەر بار.