بۇگىن ەلباسى تاپسىرماسىن ورىنداۋ ماقساتىندا ق ر پرەمەر-مينيسترىنىڭ ورىنباسارى – ق ر اۋىل شارۋاشىلىعى ءمينيسترى ا.مىرزاحمەتوۆ جۇمىس ساپارىمەن نەگىزگى استىقتى ولكەنىڭ ءبىرى – قوستاناي وبلىسىنا باردى دەپ حابارلايدى Qamshy.kz اقپارات اگەنتتىگى ق ر اشم باسپا ءسوز قىزمەتىنە سىلتەمە جاساپ.
ساپار بارىسىندا استىق جيناۋ ناۋقانى مەن اۋىل شارۋاشىلىعىنىڭ شاعىن مەحانيزاسياسىن دامىتۋ بويىنشا سولتۇستىك ايماقتاردا جيىن ءوتتى.
جيىنعا اقمولا، سولتۇستىك قازاقستان جانە قوستاناي وبلىستارىنداعى اكىم ورىنباسارلارى – اۋىل شارۋاشىلىعى باسقارماسىنىڭ وكىلدەرى، اگرارلىق سالا عالىمدارى مەن اۋىل شارۋاشىلىعى ءونىمىن وندىرۋشىلەر قاتىستى.
جيىندا وسى جىلى ەگىس القابى 22،1 ملن. گەكتاردى قۇرايتىنىن، ياعني بىلتىرعى جىلمەن سالىستىرعاندا 651 مىڭ گەكتارعا كوپ ەكەنى ايتىلدى. ال، جازدىق ەگىس 18،7 ملن. گەكتار.
بيىلعى جىلى اوك دامىتۋدىڭ مەملەكەتتىك باعدارلاماسى اياسىندا ەگىستىك الاڭىن ءارتاراپتاندىرۋ باستالعانىن ايتا كەتۋ كەرەك.
قاجەتتى داقىلدار الاڭى (زىعىر، راپس، كۇنباعىس، جاسىمىق، نوقات، ارپا، س ۇلى، قانت جانە داندىك قىزىلشا) 1 ملن. گەكتارعا ۇلعايدى.
ءارتاراپتاندىرۋ ساياساتى سۋبسيديالاۋ مەحانيزمىن وزگەرتۋگە وڭ ىقپال ەتتى. اتاپ ايتقاندا، گەكتارلىق سۋبسيديادان شەكتەلىپ، مەملەكەتتىك قولداۋدى ونىمگە جانە وڭدەۋگە بەرۋ ارقىلى شارۋالارعا قولداۋ كورسەتىلەدى، – دەپ اتاپ ءوتتى ا.مىرزاحمەتوۆ.
بيىلعى جىلى تۇقىم ءوسىرۋ شارۋاشىلىعىنا بولىنگەن بيۋدجەتتىك قارجىنىڭ كولەمى بىلتىرعى جىلمەن سالىستىرعاندا 2 ەسە كوبەيگەنىن جانە بۇل وسى ۋاقىتقا دەيىن بەلگىلەنگەن بيۋدجەت شەڭبەرىندە جۇزەگە اسقانىن ايتا كەتكەن ءجون. ەڭ تومەنگى مولشەردىڭ كۇشى جويىلعانى فەرمەرلەردىڭ سۋبسيديا الۋعا دەگەن قىزىعۋشىلىعىن ارتتىرا ءتۇستى. سەبەبى، ەسكى سۇلبا بويىنشا تۇقىمنىڭ از عانا بولىگى سۋبسيديالاندىرىلىپ كەلگەن ەدى.
قابىلدانعان شەشىم بويىنشا 2017 جىلى ساپالى تۇقىم ەگۋ 1،5 ەسەگە ۇلعايدى. بىرەگەي تۇقىمدى پايدالانۋ 68%-عا ءوستى، ال ناشار تۇقىم 1،6 ەسەگە قىسقاردى.
سونداي-اق جەردى تىڭايتۋ مەحانيزمى دە وزگەردى. بۇل فەرمەرلەرگە جەردى تىڭايتۋدى ەلدىڭ ساپاسى مەن باعاسىنا قاراي تاڭداۋعا جانە تىڭايتقىشتاردىڭ تۇرلەرىن ارتتىرۋعا مۇمكىندىك تۋعىزدى.
2016 جىلى تىڭايتقىشتاردى پايدالانۋ 261 مىڭ توننانى قۇراسا، بيىل بۇل كولەم ارتا ءتۇستى، ياعني، 309 مىڭ توننا تىڭايتقىش قولدانىلدى. جىل قورىتىندىسى بويىنشا تىڭايتقىشتاردى الدىمەن ەنگىزۋ سوڭعى بىرنەشە جىلدا قاجەتتىلىكتىڭ 14%-ىن قۇرايتىن بولادى.
بۇدان بولەك، ەگىننىڭ فيتوسانيتارلىق قاۋىپسىزدىگىنە ەرەكشە كوڭىل بولىنۋدە. كوكقاسقا شەگىرتكەلەر ۇيىرىنە قارسى حيميالىق وڭدەۋ 1،9 ملن. گەكتار اۋماققا جۇرگىزىلدى.
اعىمداعى جىلى رەسپۋبليكالىق بيۋدجەت تاراپىنان ءداندى-داقىلدار اۋرۋىنا قارسى وڭدەۋ شارالارى قولدانىلدى. وڭدەۋ كولەمى بىلتىرعى جىلمەن سالىستىرعاندا 12 ەسە جوعارى. بۇل ءوز كەزەگىندە ءداندى-داقىلدار اۋرۋلارىنىڭ تارالۋىن ازايتۋعا اسەر ەتتى ءارى ءداندى-داقىلداردىڭ قالىپتاسۋىنا مۇمكىندىك تۋعىزدى.
جالپى العاندا رەسپۋبليكا بويىنشا بيىلعى جىلى ماساقتى داقىلدار ورتاشا ەسەپپەن گەكتارىنا 12،6 س جەتەدى دەپ بولجانۋدا، ال استىقتىڭ جالپى جيىنى 19 ملن. توننادان استام.
استىق جيناۋ ناۋقانىنا 42 مىڭ كومباين تارتىلادى. ونىڭ ىشىندە 14 مىڭنان كوبى ونىمدىلىگى جوعارى استىق جيناۋ كومباينى، ياعني ولار استىق داقىلدارىنىڭ 70%-ىن جيناماق.
وسى جىلعى كۇزگى ەگىس القاپتارى جۇمىسى ءۇشىن رەسپۋبليكا بويىنشا قاجەتتى ديزەلدىك وتىن كولەمى 393،9 مىڭ توننا دەپ انىقتالىپ وتىر، ونىڭ ىشىندە اقمولا وبلىسى ءۇشىن 70 مىڭ توننا، قوستاناي وبلىسى ءۇشىن 76 مىڭ توننا، ال سولتۇستىك قازاقستان وبلىسى ءۇشىن 75 مىڭ توننا.
قازىرگى ۋاقىتتا الماتى، اقتوبە، شىعىس قازاقستان، باتىس قازاقستان، جامبىل، قىزىلوردا جانە وڭتۇستىك قازاقستاندا استىق جيناۋ ءجۇرىپ جاتىر.
بيىلعى جىلعى 15 تامىزداعى ەسەپ بويىنشا 38% اۋماق رەتكە كەلتىرىلدى، سوعىلعان استىقتىڭ العاشقى سالماعى 1،8 ملن. توننا بولسا، ورتاشا ونىمدىلىگى گەكتارىنا 20،2 س قۇرادى.
جيىن قورىتىندىسى بويىنشا وبلىس اكىمدەرىنە ورۋ ناۋقانىن ۋاقىتىلى اياقتاۋعا بايلانىستى قابىلداناتىن شارالاردى دەر كەزىندە جۇزەگە اسىرۋدى تاپسىردى. سونداي-اق، استىق جيناۋ جۇمىستارىنا تەحنيكانى ۋاقىتىلى دايىنداۋدى، شارۋاشىلىق سۋبەكتىلەرىندەگى ەليەۆاتورلىق-قويمالىق سىيىمدىلىقتى جانە توق شارۋاشىلىعىنداعى دايىندىقتى اياقتاۋدى جۇكتەدى.
ۆيسە-پرەمەر جۇمىس ساپارى بارىسىندا قازاق اۋىل شارۋاشىلىعىن مەحانيكالاندىرۋ جانە ەلەكترلەندىرۋ عىلىمي-زەرتتەۋ ينستيتۋتىندا بولىپ، اۋىل شارۋاشىلىعى تەحنيكالارىنىڭ جاڭا تۇرلەرىمەن تانىستى. ول وسى جىلدان باستاپ وتاندىق وندىرۋشىلەردەن اسپالى-تىركەمەلى اۋىل شارۋاشىلىعى تەحنيكالارىن ليزينگكە الۋ ءۇشىن جەڭىلدەتىلگەن نەسيە باعدارلاماسى ىسكە اسىرىلاتىنىن اتاپ ءوتتى (شاعىن مەحانيكالاندىرۋ).
بۇل ماقساتقا 5،5% مولشەرلەمەمەن 5 ملرد. تەڭگە كولەمىندە قارجى قاراستىرىلعانىن دا ايتا كەتتى.
پىكىر قالدىرۋ