ساباريا حۋسەين مەشىت جاماعاتتارىنا مىڭداعان تاعامدار دايىنداۋ ارقىلى قالا ۇمبەتىنىڭ ومىرىنە بەلسەندى ارالاسۋدا.

كاناداداعى مونرەال قالاسىنىڭ تۇرعىنى 70 جاسار ساباريا حۋسەين كۇندەلىكتى 300 ادامعا اس دايىندايدى. ءوزى دايىنداعان اس پەن سۋىن مۇسىلمان ايەل ۇيسىز-كۇيسىز جاندارعا تاراتادى، دەپ جازادى Qamshy.kz اقپارات اگەنتتىگى.

مۇسىلمان ايەل كانادادا 30 جىلداي ۋاقىت ءومىر ءسۇرىپ كەلەدى، بۇل ەلگە كۋالا-لۋمپۋردە حالىقارالىق اسپازدىق كۋرسىن ءتامامداعان سوڭ كەلگەن بولاتىن. ءقازىر ساباريا حۋسەين مەشىت جاماعاتتارىنا  مىڭداعان تاعامدار دايىنداۋ ارقىلى قالا ۇمبەتىنىڭ ومىرىنە بەلسەندى ارالاسۋدا.

بۇدان بولەك، ساباريا جەرگىلىكتى شىركەۋ كەلۋشىلەرىمەن دە ەتەنە ارالاسادى، وسىلايشا ول دىنىنە، ءناسىلى مەن جىنىسىنا قاراماي، مۇقتاج جانداردىڭ بارىنە قول ۇشىن بەرىپ كەلەدى. ءوزىنىڭ ەگدە تارتقان جاسىنا قاراماستان، ول ءوزىنىڭ «ءبىزدىڭ ەكىنشى ءۇيىمىز» اتتى ايەلدەر ءۇيىن دە شىرق ءۇيىرىپ باسقارىپ وتىر.