ەلباسى نۇرسۇلتان ءابىش ۇلى نازاربايەۆ قازاقستان حالقىنا بيىلعى جولداۋىندا «وتاندى ءسۇيۋ – بابالاردان ميراس بولعان ۇلى مۇرانى قادىرلەۋ، ونى كوزدىڭ قاراشىعىنداي ساقتاۋ، ءوز ۇلەسىڭدى قوسىپ، دامىتۋ جانە كەيىنگى ۇرپاققا امانات ەتىپ، تابىستاۋ دەگەن ءسوز. بارشا قازاقستاندىقتاردىڭ جۇمىسىنىڭ تۇپكى ءمانى – وسى!»، - دەپ قازاقستاندىق ءپاتريوتيزمنىڭ جاڭا ۇلگىسىن ايقىنداپ بەرگەن بولاتىن.

پرەزيدەنت جولداۋىنداعى ستراتەگيالىق ماقسات-مىندەتتەردى ناسيحاتتاۋ شارالارى اياسىندا الماتى تەحنولوگيالىق ۋنيۆەرسيتەتىندە قازاقستان رەسپۋبليكاسىنىڭ تاۋەلسىزدىك كۇنىنە ارنالعان «مەن اتۋ پاتريوتىمىن» اتتى پاتريوتتىق شارا ءوتتى.

شارانى سالتاناتتى تۇردە اشقان ۋنيۆەرسيتەتتىڭ ءبىرىنشى پرورەكتورى، پروفەسسور باۋىرجان نۇراحمەتوۆ: «تاۋەلسىزدىككە قول جەتكىزۋ – ىرگەسى قالانعان ءاربىر مەملەكەتتىڭ ارمانى. قازىرگى تاڭدا اشىق اسپان استىندا بەيبىت كۇن كەشىپ جاتقان سىزدەر مەن بىزدەر، ارينە، باقىتتىمىز. بۇل اتا-بابامىزدىڭ باتىرلىعى مەن قايسارلىعىنىڭ، ءوز ەلىنە پاتريوتتىق سەزىمىنىڭ مىقتىلىعىنىڭ ارقاسى. سونىمەن قاتار، ۇلت كوشباسشىسى، قازاقستان رەسپۋبليكاسىنىڭ پرەزيدەنتى نۇرسۇلتان ءابىش ۇلى نازاربايەۆتىڭ ساليقالى ساياساتىنىڭ، كورەگەندىلىگىنىڭ ارقاسى ەكەنىن بىلەمىز»، - دەپ اتاپ ءوتتى.

بۇگىنگى تاۋەلسىزدىگىمىزگە قول جەتكىزۋ جولىندا 1986 جىلعى جەلتوقسان كوتەرىلىسىنىڭ تاريحي ماڭىزى زور. شارانىڭ قوناقتارى، جەلتوقسان كوتەرىلىسىنە قاتىسۋشىلار – قازاقستان جازۋشىلار وداعىنىڭ مۇشەسى، اقىن-سازگەر امانعازى كارىپجانوۆ پەن قازاقستاننىڭ مادەنيەت قايراتكەرى، اقىن بولات شاراحىمباي جەلتوقسان كوتەرىلىسى مەن تاۋەلسىزدىك تاقىرىبىندا جاستارمەن وي ءبولىستى. بولات شاراحىمباي: «ءبىز جەلتوقسان كوتەرىلىسىنىڭ كۋاگەرى عانا ەمەس، سول وقيعاعا باسىنان اياعىنا دەيىن قاتىسىپ، ەل تاۋەلسىزدىگى ءۇشىن كۇرەستىك. اتاپ كەتۋ كەرەك، بۇل كوتەرىلىستىڭ تاريحي ماڭىزى زور. سەبەبى سول وقيعالاردان كەيىن حالقىمىزدىڭ تاۋەلسىزدىك رۋحى كۇشەيدى، سول كەزدەگى كەڭەستەر وداعىنىڭ باسقا ايماقتارىندا دەموكراتيالىق جاڭارۋ پروسەستەرى باستالدى، بىرتىندەپ كسرو ىدىراپ، قازاقستان ءوز ەگەمەندىگىن الدى»، - دەپ اتاپ كورسەتتى.

تاۋەلسىزدىكتىڭ مەرەيىن اسقاقتاتىپ، ستۋدەنت جاستاردىڭ ەل ەرتەڭىنە دەگەن جاۋاپكەرشىلىگىن ارتتىرۋدا ۋنيۆەرسيتەتتىڭ ۇلاعاتتى وقىتۋشى قاۋىمىنىڭ ۇلەسى زور. ۋنيۆەرسيتەت باسشىلىعى اتىنان ءبىرىنشى پرورەكتور باۋىرجان نۇراحمەتوۆ ءبىلىمدى ۇرپاق تاربيەلەۋدە ەرەكشە ەڭبەك سىڭىرگەن ۇستازدارعا العىسىن ءبىلدىرىپ، ارنايى سىياقىمەن ماراپاتتادى. «سىزدەردىڭ ەڭبەكتەرىڭىزدىڭ ارقاسىندا تالىمگەرلەرىمىز ءبىلىم مەن عىلىم سالاسىنداعى جەتىستىكتەرىمەن تۋعان ەلگە دەگەن سۇيىسپەنشىلىگىن دالەلدەپ كەلەدى» – دەدى ول.

شارا اياسىندا الماتى تەحنولوگيالىق ۋنيۆەرسيتەتىندەگى «نۇروتان» باستاۋىش پارتيا ۇيىمىنىڭ ەلۋدەن استام قىزمەتكەرىنە جاڭا ۇلگىدەگى پارتيالىق بيلەتتەر تابىس ەتىلدى. سالتاناتتى تۇردە پارتيالىق بيلەتتەردى تابىستاعان «نۇروتان» پارتياسىنىڭ المالى اۋداندىق فيليالى ساياسي كەڭەسىنىڭ مۇشەسى، ۋنيۆەرسيتەتتىڭ تاربيە ءىسى جونىندەگى پرورەكتورى قالتاي باتحولدين «نۇروتان» پارتياسىنىڭ ءتوراعاسى، ۇلت كوشباسشىسى نۇرسۇلتان ءابىش ۇلى نازاربايەۆتىڭ ساليقالى ساياساتىنا ءاردايىم قولداۋ كورسەتىپ، وتانعا دەگەن شەكسىز سۇيىسپەنشىلىگىمىزدى ىسپەن دالەلدەپ، ونىڭ كوركەيۋى جولىندا جۇدىرىقتاي جۇمىلىپ جۇمىس ىستەۋگە شاقىردى.

مەركەلىك شارا اياسىندا ۋنيۆەرسيتەت جاستارى اراسىندا بايقاۋ ۇيىمداستىرىلىپ، ستۋدەنت-جاستار ءوز ونەرلەرىمەن وتانسۇيگىشتىكتىڭ جارقىن ۇلگىسىن كورسەتتى.

«قازاقستان رەسپۋبليكاسىنىڭ تۇڭعىش پرەزيدەنتى جانە تاۋەلسىزدىك» تاقىرىبىندا ستۋدەنتتەردىڭ كوماندالارى اراسىندا برەين-رينگ ۇيىمداستىرىلىپ، جاستار وزدەرىنىڭ تەرەڭ بىلىمدەرىن جان-جاقتى كورسەتە ءبىلدى.

«مەن اتۋ پاتريوتىمىن» سايىسىنىڭ ۇزدىكتەرى انىقتالىپ، «ءسوز شەبەرى»، «ەڭ ۇزدىك پاتريوتتىق ءان»، «ەڭ ۇزدىك ءماتىن»، «ەڭ ۇزدىك داۋىس»، «ەڭ ۇزدىك الەۋمەتتىك بەينەروليك» نوميناسيالارى بويىنشا ونەرلەرىن كورسەتكەن ستۋدەنتتەر ارنايى ديپلومدارمەن ماراپاتتالدى.

الماتى تەحنولوگيالىق ۋنيۆەرسيتەتىنىڭ

اقپاراتتىق قىزمەت جەتەكشىسى

اسحات ابىشيەۆ