جىل سايىن رەسپۋبليكالىق قوعامدىق-ساياسي «پرەزيدەنت جانە حالىق» گازەتى مەن «ۋاقىت تاڭداۋى – ۆىبور ۆرەمەني» اگەنتتىگىنىڭ بىرلەسكەن جوباسى بويىنشا تاۋەلسىزدىك مەرەكەسى قارساڭىندا جىل تاڭداۋلىلارىن ايقىنداۋ داستۇرگە اينالعان.

قۇرامىندا بەلگىلى تۇلعالار، اقىندار مەن قايراتكەرلەر بار ءادىلقازىلار القاسىنىڭ ۇيعارىمىمەن بيىلعى جىلى ءتورت اتالىم بويىنشا جەڭىمپازدار انىقتالدى. «ۋاقىت تاڭداۋى» بايقاۋىندا «جىلدىڭ ۇزدىك اكىمى» اتاعىنا قىزىلوردا وبلىسىنىڭ اكىمى قىرىمبەك كوشەربايەۆ لايىق دەپ تانىلدى. ال «جىلدىڭ ۇزدىك ونەر ۇجىمى» اتاعىن قۇرمانعازى اتىنداعى قازاق مەملەكەتتىك اكادەميالىق حالىق اسپاپتارى وركەسترى (ديرەكتورى – نۇرعيسا داۋەشوۆ) جەڭىپ الدى. سونداي-اق «جىلدىڭ ۇزدىك كوللەدجى» اتاعىنا باعداشجان مولداشيەۆا باسقاراتىن حرومتاۋ تاۋ-كەن تەحنيكالىق كوللەدجى يە بولدى. ق ر مەمەكەتتىك سىيلىعىنىڭ لاۋرەاتى، ەلىمىزدە سالىستىرمالى پەداگوگيكا عىلىمىنىڭ نەگىزىن قالاۋشى اسقاربەك قۇسايىنوۆ «جىلدىڭ ۇزدىك عالىمى» اتاندى.

ۇيىمداستىرۋشىلاردىڭ ايتۋىنا قاراعاندا، جەڭىمپازداردىڭ قايسىسى دا ەلىمىزدىڭ دامۋىنا ءوز سالالارى بويىنشا ايتۋلى ۇلەس قوسىپ كەلە جاتقان ۇجىمدار مەن تۇلعالار.

ەرلان باپانوۆ