2014 جىلى 10 جەلتوقسان قازاقستان تاۋەلسىزدىگىنىڭ 23 جىلدىعى بەيجيڭدە تويلاندى، وسىعان وراي قازاقستاننىڭ قىتايداعى ەلشىلىگىنىڭ كەڭەسشىسى مارعۇلان كۇزەكبايەۆ جۇڭگو حالقارالىق راديوسىنىڭ تىلشىسىنە سۇقبات بەردى.

– جۇڭگو ەلىنىڭ استاناسىندا بولىپ جاتقان شارا تۋرالى توقتالا كەتسەڭىز.

– بۇگىن قازاقستان رەسپۋبليكاسىنىڭ قحر-داعى ەلشىلىگىندە قازاقستان تاۋەلسىزدىگىنىڭ 23 جىلدىعىن تويلاپ جاتىرمىز، قازاقستان تاۋەلسىزدىك العاننان بەرى قانشاما قيىندىقتاردى باسىنان وتكىزدى، ءقازىر ەكونوميكاسى دامىپ كەلە جاتقان مەملەكەتتەردىڭ بىرىنە اينالۋدا. وسى جەردەگى ەلشىلىكتىڭ اتقارىپ جاتقان جۇمىستارى وتە ۇلكەن. ەكى ەل اراسىنداعى ەكونوميكا، مادەنيەت، ءبىلىم سالاسى بولسىن ءار سالانىڭ وزىنە ءتان دامۋشىلىقتارى بولدى.

– قازىرگى ەكى ەل اراسىنداعى كوپىر بولىپ جالعانىپ جاتقان جىبەك جولى تۋرالى نە ايتاسىز؟

– قحر ءتوراعاسى شيجينپيڭ 2013 جىلى قازاقستانعا كەلگەندە «ۇلى جىبەك جولى» دەگەن يدەيانى ورتاعا قويدى، سول يدەيا بويىنشا قازاقستان، ورتا ازيا جانەدە باسقا ەلدەرمەن بايلانىس كۇن سايىن دامۋدا. اسىرەسە قازاقستان مەن جۇڭگو ەلىنىڭ ۇلى جىبەك جولىنىڭ جاڭا ەكونوميكالىق بەلدەۋى جوسپارى كەڭىنەن دامىپ جاتىر.

– زامان دامىپ كەلە جاتقان كەزدە، ەكى ەل اراسىنداعى دوستىقتىڭ دا تىڭ ورەگە كوتەرىلگەنىن بايقاي الامىز، ەكى ەل قارىم-قاتىناسى تۋرالى پىكىرىڭىز قالاي؟

– بۇل ەكى ەلدىڭ دوستىعى ەندى عانا قالىپتاسقان دوستىق ەمەس، بۇل ەرتەدەن، اتام زاماننان جالعاسىپ كەلە جاتقان دوستىق، قحر ءتوراعاسى شيجينپيڭ ەكى ەل ارالاستىعى بايلانىس 3000 جىلدىق ءتاريحقا يە دەپ ايتىپ ءوتتى، وسى 3000 جىلدان بەرى جالعاسىپ كەلە جاتقان ديپلوماتيالىق قارىم-قاتىناسى بارىسىندا ەكى ەلدىڭ ءوزارا تۇسىنىستىگى، مادەنيەت الماسۋى ءتىپتى دە جوعارى بەلەستەرگە كوتەرىلدى، بۇل دامۋشىلىقتاردى بارلىعىمىز كورىپ وتىرمىز، ال ەندى بۇدان كەيىنگى جاڭا قازاقستان مەن قىتايدىڭ دوستىعىن سوزبەن ايتىپ جەتكىزە المايمىن، وسى دوستىعىمىز كۇشەيە بەرسىن، ارتا بەرسىن دەمەكشىمىن.

سۇقباتتاسقان: نۇرداۋلەت بوكەيحان ۇلى(پەكين)