بۇگىن "راديوتوچكا" سايتىنداعى قازاق قوعامىنداعى رۋلاردىڭ ءرولى تۋرالى تالقىعا قاتىسىپ قايتتىم.

تالقىدان شىققان سوڭ ميعا مىناداي ءبىر انالوگيا كەلدى. رۋدان قورقۋدىڭ، ۇركۋدىڭ قاجەتى جوق. رۋ - قازاق بولمىسىنىڭ ءبىر بولىگى. قانداعى قانتتىڭ مولشەرى سياقتى دۇنيە. قانت جەتكىلىكسىز بولسا ادام اعزاسىنداعى زاتتار ايىرباسى ناشارلاپ، جۇرەك اۋرۋلارىنا سوقتىرادى، ميدىڭ قورەكتەنۋى ناشارلاپ، ادام ءجيى ەسىنەن تانىپ، ءتىپتى كوماعا كەتىپ جاتادى. قانت مولشەرى تىم كوپ بولىپ كەتسە، بۇل قاتەرلى اۋرۋلارعا، اسىرەسە ديابەتكە اپارىپ سوقتىرادى. ادام اعزاسى دۇرىس جۇمىس ىستەمەي، ىشىنەن ءشىري باستايدى. ازدىق تا، كوپتىك تە ادام ولىمىنە اپارۋى مۇمكىن. ياعني، رۋىمىزدى، جەتى اتامىزدى ءبىلۋ مىندەت. ءبىراق ونى مىندەتسىنۋگە جول جوق. رۋىن، تاريحىن بىلمەگەن ادامنىڭ تولىققاندى قازاق بولۋى ەكىتالاي. سەبەبى جان-دۇنيەڭنىڭ ۇلكەن ءبىر بولىگىن بىلمەۋ، تۇسىنبەۋ، وعان ءتيىستى ءمان بەرمەۋ تراگەديا، رۋحاني ءولىم، ماڭگۇرتتىك. قازاق رۋعا بولىنبەيدى، قازاق رۋدان قۇرالادى. رۋ تاريحى - قازاق تاريحىنىڭ قۇرامداس بولىگى. ونى زەرتتەۋ، ءبىلۋ بولىنۋگە ەمەس، بىرىگۋگە يتەرمەلەۋى ءتيىس. سەبەبى رۋ و باستان ءبولىنۋ ءۇشىن ەمەس، بىرىگۋ ءۇشىن قۇرالعان قوعامدىق ينستيتۋت. ونى قازاقتىڭ ىشىنە ىرىتكى سالۋ ءۇشىن زەرتتەپ، ءبىلىپ جۇرگەندەر قازاق ۇلتىنىڭ دا، ءوز رۋىنىڭ دا جاۋى، كەششە، ناداندار. ياعني قوعامىمىز قاشان دا اعزاداعى "قانتتىڭ مولشەرىن" رەتتەپ وتىرۋى كەرەك. وسى ماسەلەمەن اينالىسىپ جۇرگەن ءاربىر ازاماتتىڭ قۇلاعى تۇرىك، كوكىرەگى وياۋ بولۋى ءتيىس. رۋدىڭ قازاق تاريحى مەن بولمىسىنداعى ءرولىن تومەندەتۋگە دە بولمايدى، ونى ابسوليۋتتەندىرۋگە دە بولمايدى. التىن ورتامەن ءجۇرىپ ءوتۋ قاجەت.

(ايدوس سارىمنىڭ فەيسبۋكتەگى پاراقشاسىنان)