پاريج (فرانسيا) قالاسىنداعى BULAC شىعىس تىلدەرى مەن مادەنيەتى ينستيتۋتى كىتاپحاناسىندا قازاقستان ادەبيەتتەرى ورتالىعىنىڭ سالتاناتتى اشىلۋى وتەدى،-دەپ Qamshy.kz اقپارات اگەنتتىگى قازاقپاراتقا سىلتەمە جاساپ حابارلايدى.
اتالعان شارا «رۋحاني جاڭعىرۋ» ۇلتتىق باعدارلاماسىن حالىقارالىق دەڭگەيدە يۋنەسكو شتاب-پاتەرىندە تانىستىرۋ اياسىندا وتەدى. قازاقستان ادەبيەتتەرى ورتالىعى ق ر مادەنيەت جانە سپورت مينيسترلىگى، سىرتقى ىستەر مينيسترلىگى، فرانسياداعى قازاقستاننىڭ ەلشىلىگىنىڭ قولداۋىمەن اشىلادى. ق ر ۇلتتىق اكادەميالىق كىتاپحاناسى حالىقارالىق يۋنەسكو ۇيىمىنىڭ اياسىندا وتەتىن وتەتىن «قوعامدىق سانانى جاڭعىرتۋ: قازاقستاندىق جول جانە ن.نازاربايەۆتىڭ ۇلگىسى» كونفەرەنسياسىنا قاتىسادى.
وسى ءىس-شارا اياسىندا ۇلتتىق اكاكدەميالىق كىتاپحانا ءبىرقاتار مادەني ءىس-شارالاردى وتكىزۋدى جوسپارلاپ وتىر. قازاقستان ادەبيەتتەرىنىڭ ورتالىعىنىڭ سالتاناتتى اشىلۋىنا فرانسياداعى قازاقستاننىڭ توتەنشە جانە وكىلەتتى ەلشىسى نۇرلان دانەنوۆ، BULAC شىعىس تىلدەرى مەن مادەنيەتى ينستيتۋتى كىتاپحاناسىنىڭ ديرەكتورى Maria-Lise Tsagouria حانىم، قازاقستان رەسپۋبليكاسىنىڭ ۇلتتىق اكادەميالىق كىتاپحاناسىنىڭ باسشىسى ءۇمىتحان مۇڭالبايەۆا، يۋنەسكو جانە يسەسكو حالىقارالىق ۇيىمدارىنىڭ وكىلدەرى، قازاقستاننىڭ قوعام مەن مادەنيەت قايراتكەرلەرى جانە زيالىلارى، فرانسياداعى قانداستاردىڭ قاۋىمداستىعىنىڭ وكىلدەرى، پاريجدەگى جوو ستۋدەنتتەرى قاتىسادى.
ايتا كەتەرلىگى، BULAC كىتاپحاناسى شىعىس تىلدەرى مەن مادەنيەتى ينستيتۋتىنىڭ عيماراتىندا ورنالاسقان. بۇندا قۇجاتتار، كىتاپتار، باسپا ءسوز، مونوگرافيالاردىڭ جانە ت.ب. اسا باي قورى ساقتالعان. كىتاپحانادا شىعىس تىلدەرىن زەرتتەۋ جانە وقۋ، سونىمەن قاتار وكەانيا، ازيا، افريكا جانە تاعى باسقا ماتەريكتەر وركەنيەتىن زەرتتەۋ بويىنشا مالىمەتتەردىڭ قورى بار. سونىمەن بىرگە، الەم ەلدەرىنىڭ تاريحى، ساياساتى جانە ەكونوميكاسىن زەرتتەۋگە كوپ كوڭىل بولىنەدى. وسى ورايدا، قازاقستان ادەبيەتتەرى ورتالىعىنىڭ اشىلۋى شىعىس تىلدەرى مەن مادەنيەتى ينستيتۋتىنىڭ پروفەسسورلىق-وقىتۋشىلىق قۇرامىنا قازاق حالقىنىڭ ءسالت-داستۇرىن، مادەنيەتىن، ونەرىمەن جاقىن تانىسۋعا مۇمكىندىك بەرەدى.
بۇل تاۋەلسىز قازاقستاننىڭ جەتىستىكتەرى مەن ونىڭ ەكونوميكا، ساياسات، الەۋمەتتىك سالالارىنداعى تابىستارىن كوپشىلىككە تانىستىرۋعا جول اشادى. ورتالىقتا ق ر پرەزيدەنتى نۇرسۇلتان نازاربايەۆتىڭ، سونىڭ ىشىندە، ونىڭ الەمدىك ساياسي ارەناداعى ورنى مەن رولىنە ارنالعان كىتاپتارى، تاريح، عىلىمي-كوپشىلىك جانە كوركەم ادەبيەتى بويىنشا 200-گە جۋىق كىتاپتار ۇسىنىلادى.
