مايەرس-بريگگس دەپ اتالاتىن  پسيحولوگيالىق تەست ەكىنشى دۇنيەجۇزىلىك سوعىس كەزىندە پايدا بولعان. اتالعان پسيحولوگيالىق تەست سول جىلدارى ايەلدەردىڭ قانداي جۇمىس جاساۋعا لايىق ەكەنىن انىقتاۋ ءۇشىن كەڭىنەن قولدانىلعان. بۇل تەست ارقىلى ءار ادام ءوزىنىڭ ىشكى جان دۇنيەسى مەن مىنەز ەرەكشەلىكتەرىن جانە قابىلەتىن بىلە الادى.

قازىرگى كەزدە باتىس ەلدەرىندەگى اتاقتى كومپانيالار وسى تەستتى قولدانىپ ءجۇر. پسيحولوگيالىق تەست قاراپايىم 4 سۇراقتان جانە 2 نۇسقادان تۇرادى.  سودان كەيىن ءسىز ارىپتەردەن تۇراتىن قاتار ارقىلى ءوزىڭىز تۋرالى جاقسىراق بىلەتىن بولاسىز.

ءسىز ءۇشىن بۇل اپتا وتە ۇزاق ءارى قيىن بولدى. ءسىز قاتتى شارشادىڭىز. ەرتەڭگى دەمالىس كۇنىڭىزدى قالاي وتكىزەسىز؟

ە) دوستارىما حابارلاسىپ، الداعى دەمالىس كۇنىنە قانداي جوسپارى بار ەكەنىن سۇرايمىن. بارلىعىمىز جينالىپ كوڭىل كوتەرۋىمىز كەرەك.

ءى) تەلەفونىمدى ءوشىرىپ تاستاپ، ۇيدە جالعىز قالام. تەلەحيكايا قاراۋدى جالعاستىرامىن، كىتاپ وقيمىن.

قاي نۇسقا سىزگە از دا بولسا سايكەس كەلەدى؟

S) مەن ءۇشىن ەڭ ماڭىزدىسى ءدال وسى ءسات. مەن ناقتىلىققا عان ءمان بەرەمىن.

N) فاكت – قىزىقسىز. مەن ارمانداۋدى، قيالداۋدى جاقسى كورەمىن. كەيدە وقيعالاردان سەناريي قۇراستىرامىن. ينتۋيسيا ارقىلى تاڭداۋ جاسايمىن.

ءسىز جۇمىس جاسايتىن كومپانيانىڭ قىرسىلاسى ساعان جۇمىس ۇسىندى. ءسىز ءالى شەشىم قابىلدامادىڭىز. سىزگە ۇسىنىس جاساعان كومپانيانىڭ جالاقىسى جوعارى، ءبىراق ءسىزدىڭ قازىرگى ۇجىمڭىزداعىلار وتە كەرەمەت جاندار. ءسىزدىڭ قازىرگى باسشىڭىز دا جاقىن ارادا دارەجەڭىزدى كوتەرەتىنىن ايتتى. ءسىز قالاي شەشىم قابىلدايسىز؟

T) ماعان ۇسىنىس جاساعان كومپانيانى زەرتتەيمىن. ەكى جاعدايدى دا بىردەي جاقسى جانە جامان جاعىن قاراستىرىپ، سالىستىرامىن.

F) ءوزىمنىڭ ىشكى سەزىمىمدى، جۇرەگىمدى تىڭدايمىن. ىشكى ينتۋۋيسياما سەنەمىن.

جاقىن دوسىڭىزدىڭ 2 اپتادان كەيىن تويى بولادى. ءسىز قالاي دايىندالىپ جاتىرسىز؟

J) مەن 1 اي بۇرىن مۋزىكانتتارمەن كەلىسىپ قويدىم. توي كۇنى مەكتەپ كەزدەگى ءبيدى بيلەيتىن بولامىز. تويعا تىلەگىمدى دە ويلاستىرىپ قويدىم. الدىن الا كيىمدى دە، باسقاسىن دا دايىنداپ قويدىم. تەك توي كۇنىن كۇتۋ عانا قالدى.

P) نە ءۇشىن ەرتە دايىندالامىن؟ مەن تويدا ەمىن-ەركىن دەمالاتىن بولامىن. تويعا تىلەكتى سول كەزدە ايتسام  عانا شىنايى جۇرەكتەن شىعادى. بارلىق كەرەمەت ساتتەر كەزدەيسوق بولعانى ءۇشىن ەستە قالادى.

ESTJ – باسقارۋشى

ءسىز بارلىعىنىڭ رەت-رەتىمەن تۇرعانىن، رەت-رەتىمەن ورىندالعانىن قالايسىز.  كەز كەلگەن جۇمىستى جوسپارلى تۇردە ورىندايسىز. الايدا ءسىز وزگەلەرگە ءوزىڭىزدىڭ شىنايى ەكەندىگىڭىزگە جانە ءوزىڭىزدىڭ ويىڭىزدىڭ دۇرىس ەكەندىگىنە سەندىرە الاسىز. ومىرگە پاراساتتى ادام رەتىندە قارايسىز، كوبىنەسە فاكتىلەرگە سەنەسىز.

اشىق ادامسىز، وزگەلەرمەن تەز ارالاسا الاسىز. جانىڭىزعا جاقىن جاندارعا ءوز ماحابباتىڭىزدى، قامقورلىعىڭىزدى كورسەتە بىلەسىز.

ENTJ – كوماندير

ءسىز ءۇشىن ءومىر كۇرەستەن تۇرادى. جۇرەك جۇتقان ادام دەپ ءسىزدى ايتۋعا بولادى. تاۋەكەل ەتە الاسىز. بۇل جەتىستىككە جەتە الاتىنداردىڭ عانا قاسيەتى بولىپ سانالادى. سونىمەن بىرگە ءسىز ءوزىڭىزدىڭ كۇشتى جانە ءالسىز تۇسىڭىزدى بىردەي قاراستىرىپ، باعالاي بىلەسىز.

جاڭالىق اشۋعا قۇمارسىز. كەز كەگەن جاعدايدا ءپوزيتيۆتى ويلاي الاسىز. ءسىز ءومىرىڭىزدى سپورتپەن بايلانىستىرعانسىز.  سپورت دەسە ىشكەن اسىڭىزدى جەرگە قوياتىن جانسىز.

ESFJ – ۇستاز

ادامدارمەن قارىم-قاتىناس ورناتا الاسىز. كەز كەلگەن اداممەن ارالاسا الاسىز. ۇقىپتى ءارى قامقور جانسىز. ۇنەمى وزگەلەرگە قول ۇشىن سوزا الاسىز، ءتىپتى وزگە ادام ءۇشىن وزىڭىزگە قىمبات، ماڭىزدى دۇنيەدەن باس تارتاسىز.

ءوز جۇمىسىڭىزدى ءوز بەتىڭىزبەن ورىندايسىز، وزگەلەردى كومەگىنە مۇقتاج ەمەسسىز. جاقىن ادامداردان تەك قولداۋ كۇتەسىز.

ESTP – مارشال (گەنەرالدان جوعارى اتاق)

«باستىسى جەڭىس ەمەس، ماڭىزدىسى قاتىسۋ» دەگەن ءسىز ءۇشىن قاتستى ايتىلماعان. ءارقاشان بيىككە ۇمتىلاسىز. ءوزىڭىزدىڭ العا قويعان ماقساتىڭىزدى ورىنداماي تىنىم تاپپايسىز، ءتىپتى فيزيكالىق كۇش كەرەك بولسا دا بارىڭىزدى سالاسىز. ۇنەمى جوسپار جاساپ، ورىندايسىز.

تۋا ءبىتتى بالۋانسىز، شيراق قيمىلدايسىز. كەز كەلگەن كۇردەلى ماسەلەلەردە تەز شەشىم قابىلداي الاسىز.

ENFJ – جەتەكشى، تالىمگەر

قىزۋقاندى جانسىز. وزگەلەردىڭ كوڭىل-كۇيىن، نە ايتقىسى كەلگەنىن بىردەن تۇسىنەسىز. ءتىپتى وزگەلەر كورە المايتىن  جاساندىلىقتى بايقاي الاسىز. سەزىمگە كەلگەندە سەنىمسىز، قىزعانشاقسىز.

ۇنەمى بولاشاقتى ويلايتىن جانسىز. الداعى بولاتىن كەلەڭسىزدىكتەردى سەزىپ، دايىن تۇراسىز.

ENTP – ونەرتاپقىش

يدەيالاردىڭ  گەنەراتورى، ۇنەمى جاڭالىق ويلاپ تابۋدى ۇناتاسىز، ءارى ويعا العان جاڭالىعىڭىزدى ىسكە اسىراسىز. كەز كەلگەن ورتاعا بەيىمدەلىپ كەتەسىز. قيىن جۇمىستاردىڭ جەڭىل جولىن تاۋىپ، ونى ىسكە اسىراسىز.

ومىردە ويعا العان يدەيانى جۇزەگە اسىرۋ ءۇشىن بارىنە باراسىز.

ESFP – ساياساتتانۋشى

وزىنە بەرىلگەن مۇمكىندىكتەردى كاسىبي تۇرعىدان الدىن الا انىقتاي الادى. وزگەلەرمەن وزىنە قولايلى جانە ورتاق قىزعۋشىلىق  بولسا عانا ارالاسادى.

ۋاقىتتى بوسقا وتكىزگەندى ۇناتپايدى. جۇمىسىنىڭ ناتيجەسىن اسىعا كۇتەدى. وزىنە بيلىك جۇرگىزگىسى كەلەتىندەردى جەك كورەدى.

ENFP – چەمپيون

بىلۋگە، ۇيرەنۋگە  قۇمار جانسىز. جان دۇنيەڭىز ەنەرگياعا تولى. شىعارماشىلىقپەن دە اينالىسا الاسىز. وزگەلەرمەن تەز ارالاسا المايسىز، الايدا ولاردىڭ جان دۇنيەسىن تەز تۇسىنەسىز. وزگەلەرگە قولداۋ بىلدىرە الاسىز، كەڭەس بەرەسىز.

ومىردە كوپتەگەن مۇمكىندىكتەر بەرىلەدى دەپ ويلايسىز، شەكسىز قيالعا يە جانسىز. قانداي قيىندىق بولماسىن ءوز-وزىڭىزدى ۇستاي الاسىز.

INFP – شيپاگەر، ەمشى

ءسىزدىڭ جان دۇنيەڭىز ليريكاعا قۇمار. ارمانشىل، ىشكى تۇيسىگىڭىزدى ءبىرىنشى ورىنعا قوياسىز. كەيبىر ويىڭىز ءسىزدىڭ ىشكى جان دۇنيەڭىزدىڭ تۇپكىرىنە بويلاپ، تۇسىنۋگە مۇمكىندىك بەرەدى. كەز كەلگەن وقيعادا تۇيسىككە سەنىپ، شەشىم قابىلدايسىز جانە ادامداردى دۇرىس تاني الاسىز.

ۇنەمى جارقىراپ جۇرگەندى ۇناتاسىز، كەز كەلگەن ۋاقىتتا ادەمى بولىپ كورىنگىڭىز كەلەدى.

ISFP – كومپوزيتور

قاراپايىم دۇنيەلەرگە قۋانا بىلەسىز. وزگەلەرگە كەرەك بولعاندى، كومەك كورسەتكەندى ۇناتاسىز.  ۇرىس-كەرىستى بولدىرماۋعا، وزگەلەردىڭ كوڭىل-كۇيىن كوتەرۋگە تىرىساسىز.

وتە قامقور، نازىك، سەنىمدى جانسىز، ادال جار بولا بىلەسىز. ءومىردى قالاي بار سولاي قابىلدايسىز. وزگەلەرگە بيلىك جۇرگىزگەندى ۇناتپايسىز.

INTP – ارحيتەكتور

ومىرگە فيلوسوفيالىق تۇرعىدان قارايسىز. ۇنەمى قالىپتى كوڭىل كۇيمەن جۇرەسىز. شەشىم قابىلدار كەزدە 7 رەت ولشەپ، 1 رەت كەسەسىز. ساراپتاما جاساعاندى جاقسى كورەسىز، وتكەنىڭىز بەن بۇگىنگى جانە كەلەشەگىڭىزدىڭ اراسىنداعى بايلانىستى ىزدەيسىز.

وزگەرىستەردى جۇرەككە تەز قابىلداپ، تەز بەيىمدەلە المايسىز. ۇنەمى فاكت، يدەيا ىزدەۋمەن بولىپ، ءوزىڭىزدى ءوزىڭىز شارشاتاسىز.

INFJ – كەڭەسشى

وزگەلەردىڭ دارىنىن، قابىلەتىن تەز انىقتاپ، كەڭەس بەرە الاسىز. سىزدەن اقىل سۇرايتىندار كوپ. ءسىزدىڭ جۇرەگىڭىز نازىك، تەز جارالانادى. سەزىم، قامقورلىق جەتىسپەگەن كەزدە قاتتى قينالاسىز.

ءسىزدى العا جەتەلەيتىن ىشكى تۇيسىك. ۇنەمى ومىردەن ساباق الىپ، ءوز ءوزىڭىزدى شىڭداپ جۇرەسىز. ءوز-وزىڭىزدى تانۋ ارقىلى وزگەلەرگە اقىل ايتاسىز.

INTJ – شابىتاندىرۋشى

رۋحاني جاعىنان باي ادامسىز. بارلىق قابىلەتىڭىزدى شىڭداي بىلەسىز، سول ءۇشىن تىرىساسىز.  

الايدا وزگەلەرمەن ءتىل تابىسۋعا كەلگەندە قاتتى قينالاسىز. ءسىز جالعىزدىقتى، تاۋەلسىزدىكتى  جاقسى كورەسىز.  ءوزىڭىزدىڭ ىشكى تۇيسىگىڭىزگە سەنەسىز.

ISFJ – قورعاۋشى

وتىرىكتى جەك كورەسىز. ادامدارمەن قارىم-قاتىناس كەزىندە ءوز ادامدارىڭىز مەن بوتەن ادامداردى انىقتاپ، ءبولىپ الاسىز. بوتەن ادامدارمەن الىستان ارالاساسىز. ال ءوز ادامدارىڭىز ءۇشىن بارىڭىزدى بەرەسىز جانە اقىسىنا ەشتەڭە سۇرامايسىز.

بەرگەن ۋادەڭىزدى ورىندايسىز، ايتقان سوزدەرىڭىز ىس-ارەكەتىڭىزگە ساي. اقكوڭىل ءارى قامقور جانسىز.

ISTP – زەرگەر

تەحنيكانى جاقسى مەڭگەرسەڭىز دە قولمەن بۇيىم جاساعاندى ۇناتاسىز. شەشىم قابىلداۋعا اسىقپايسىز. بارلىعىن ويلاستىرىپ، ويلانىپ بارىپ قانا شەشىم قابىلدايسىز. كەزدەسۋگە، جيىنعا كەشىكپەيسىز.

ءومىردى ىشكى سەزىم ارقىلى تانيسىز، كوزقاراسىڭىز ناقتى ءالى وبەكتيۆتى. ادامداردان جاساندىلىق بايقاعان كەزدە ونىمەن ارالاسپاۋعا تىرىساسىز.

ISTJ – ينسپەكتور

ۇنەمى تەرەڭ ويدا جۇرەسىز، جاۋاپكەرشىلىكتى سەزىنە بىلەسىز. سىزگە سەنۋگە بولادى، الايدا ءسىز وزگەلەرگە سەنە المايسىز. بارلىق اقپاراتتى ساراپتاپ، انىقتاي الاسىز. قىزمەتتەستەرىڭىزبەن تەك جۇمىس بارىسىمەن عانا ارالاسقاندى ءجون كورەسىز، ودان ارتىق ارالاسپاۋعا تىرىساسىز. ناتيجەلى جۇمىستى عانا اتقاراسىز.

قاتالدىقتى، ءتارتىپتى ۇناتاسىز. اسپاندا قالقىپ جۇرمەيسىز، ۇنەمى ناقتىلىقتى ۇناتاسىز.