ەلباسىمىزدىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسى اياسىندا لاتىن الىپبيىنە بىرتىندەپ كوشۋ ماسەلەسىنە قاتىستى دوڭگەلەك ۇستەل ءوتتى، دەپ حابارلايدى Qamshy.kz اقپارات اگەنتتىگىنىڭ ءتىلشىسى.

ەلباسىمىزدىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىن تالداۋ جانە ءتۇسىندىرۋ اياسىندا، لاتىن الىپبيىنە بىرتىندەپ كوشۋ ماسەلەسىنە قاتىستى قازككا ءماجىلىس زالىندا، «تىلدەر» كافەدراسىنىڭ ۇيىمداستىرۋمەن «لاتىن ءالىپبيى» اتتى دوڭگەلەك ۇستەل بولىپ ءوتتى. دوڭگەلەك ۇستەل قوناقتارى رەتىندە، مەملەكەتتىك تىلدەردى دامىتۋ ينستيتۋتىنىڭ اتقارۋشى ديرەكتورى، ف.ع.ك. ب. قاپالبەكوۆ، جازۋشىلار وداعىنىڭ مۇشەسى ن. توكمىرزا، الماتى مەنەدجمەنت ۋنيۆەرسيتەتىنىڭ دوسەنتى، ف.ع.ك. ل. بەگالييەۆا، اعا وقىتۋشى گ. بايتىلەۋوۆا شاقىرىلسا، ءوز پىكىرىن ايتۋعا، اكادەميانىڭ ارداگەر وقىتۋشىلارى: م. كوبديكوۆ، س. مىرزالى، ن. بالقيا ۇلى، م. شالابايەۆ، سونىمەن قاتار اكادەميا پوق مەن ستۋدەنتتەر ءقاۋىمى كەلگەن بولاتىن.

كەزدەسۋ بارىسىندا، ءالىپبيدى وزگەرتۋ كەزىندەگى قورقىنىشتار، ءالىپبي بولاشاعى مەن قۇرىلىمى تۋرالى ۇسىنىستار، تالاپ-تىلەكتەر كوپتەپ ايتىلدى. دوڭگەلەك ۇستەل بارىسىندا، بۇل سۇراق بارلىق الەۋمەتتىك توپتاردى قىزىقتىراتىنى بايقالدى. ساراپشىلار اراسىندا تالقىلانىپ جاتقان جانە لاتىن الىپبيىنە كوشۋدەگى «ەڭ ءتيىمدى ءالىپبي جاساۋ» ماسەلەسى اكادەميادا دا قىزۋ تالقىعا ءتۇستى. بۇگىندە بەلگىلى بولعانداي، كەلە جاتقان بۇل ۇلكەن وزگەرىس - قازاقستاننىڭ اقپاراتتىق كەڭىستىكتە ءوز ورنىن تابۋعا، باسەكەگە قابىلەتتىلىكتى ارتتىرۋعا جانە قاۋىپسىزدىك ماسەلەسىن كۇشەيتۋگە ءوز اسەرىن تيگىزەتىنى انىق.

ستۋدەنتتەردىڭ اتىنان ءوز پىكىرىن بىلدىرگەن، ۆتپو-17-1ك توبىنىڭ ستۋدەنتى مەندەشكانوۆا تاتتىگۇل: «ءبارىمىز بىلەتىندەي «ەلباسىمىز 2025 جىلعا دەيىن» لاتىن ءالىپبيىن قولدانىسقا ەنگىزۋ كەرەكتىگىن ايتتى. بۇگىنگى تاڭدا ءالىپبيدى اۋىستىرۋعا بايلانىستى ءتۇرلى پىكىرلەر ايتىلۋدا. بىرەۋلەر لاتىن ءاليپبيىنىڭ وڭتايلى تۇستارىن العا تارتسا، ەندى بىرەۋلەرى اسىعىستىق جاسامايىق دەپ ساقتاندىرۋدا. مۇنداي پىكىرلەردىڭ ايتىلۋى زاڭدى قۇبىلىس دەپ ويلايمىن. الايدا، انىق ءبىر ماسەلە بار. ول - قازاق ءتىلى بۇگىن بە، ەرتەڭ بە مىندەتتتى تۇردە لاتىن الىپبيىنە كوشەدى. سوندىقتان، ستۋدەنتتەر قاۋىمى وسى باعدارلامانى قولداۋعا ءارقاشاندا دايىن»، - دەپ ءوز ويىن ورتاعا سالدى.

ءبىزدىڭ دامۋىمىزدىڭ باستى پرينسيپتەرىنىڭ ءبىرى – جاڭا كەزەڭدەگى جاڭارۋعا ىشتەي ۇمتىلىس. دامۋ ءۇشىن وزگەرۋ قاجەت.