قازىرگى زامان تەحيكا مەن الەۋمەتتىك جەلىنىڭ دامىعان زامانى. قازىرگى قوعامدا، اسىرەسە، جاستار ۋاقىتىنىڭ كوپ بولىگىن الەۋمەتتىك جەلىگە جۇمسايدى.  قوعامداعى جاڭالىقتار، وزەكتى ماسەلەلەردىڭ ءبارىن وسى الەۋمەتتىك جەلى ارقىلى ءبىلىپ وتىراتىن بولدىق. الەۋمەتتىك جەلى بىرەۋدى قۇزعا لاقتىرسا، بىرەۋدى قۇزدان بيىككە شىعاراتىن دەڭگەيگە جەتتى. جەلى ارقىلى تانىمال بولىپ، حالىقتىڭ اۋزىنان تۇسپەيتىن جاندار دا از ەمەس. ولار ەشقانداي ەڭبەكسىز حالىق اراسىندا  تانىمال بولعاندار دەسەك ارتىق ايتپاعان بولارمىز.

ءيا، قازىرگى زاماندا  ەشقانداي ەڭبەسىز تانىلۋعا بولادى. ءبىر جىلدا ەمەس، ءبىر ايدا ەمەس، ءتىپتى ءبىر اپتا دا ەمەس ءبىر كۇندە-اق  حالىقتىڭ نازارىنا ىلىگىپ، بۇكىل ەلگە تانىمال بولاتىن   زامان تۋدى. Qamshy.kz اقپارات  اگەنتتىگىنىڭ ءتىلشىسى ەشقانداي ەڭبەكسىز حالىقتىڭ اۋزىنان تۇسپەيتىن الەۋمەتتىك جەلى جۇلدىزدارىن وقىرمان نازارىنا ۇسىنباق.

دينارا راحيموۆا

قازاقستاندىق باربي اتاعىنا يە بولعان ءبىرىنشى بويجەتكەن. نەبارى 22 جاستاعى بويجەتكەننىڭ الەۋمەتتىك جەلىدە جۇلدىزى جانىپ تۇر. بىلتىرعى جىلى وتاندىق ءتىلشى «قازاقستاندىق باربي» دەپ لاقاپ ات بەرىپ، الەۋمەتتىك جەلىدە تاراتىپ جىبەرگەن ەكەن.وسىدان كەيىن دينارانىڭ الەۋمەتتىك جەلىدە جۇلدىزعا اينالدى. دينارانىڭ سۋرەتىنە قاراساڭىز قۋىرشاققا قاراعانداي بولاسىز. بەت ءپىشىنى، ۇلكەيتىلگەن ەرىندەرى باربي قۋىرشاعىنان اۋمايدى. دينارا جالاڭاش سۋرەتىن جاريالاۋمەن دە الەۋمەتتىك جەلىدە جۇلدىز بولعان. ەڭ قىزىعى دينارا الەۋمەتتىك جەلىگە سۋرەتتەرىن اناسى مەن ءسىڭلىسى ءۇشىن سالادى ەكەن-مىس.

زاميرا سۇلتان

قالاۋلىم باعدارلاماسى ارقىلى ەلگە تانىلعان بويجەتكەن. قالاۋلىم كورمەيتىن جاندا زاميرانىڭ اتىن جۇرتتىڭ اۋزىنان ەستىپ جۇرگەن بولار. زاميرا تىكەلەي ەفير الدىندا ەرسى قىلىقتارىمەن، ەلگە جاعىمسىز ارەكەتتەرىمەن تانىمال بولعان.زاميرا الەۋمەتتىك جەلىدە  جالاڭاش سۋرەتىن سالماعانىمەن،  ەفيردە بالاعات سوزدەر ايتۋىمەن تانىمال بولعان. تىكەلەي ەفيردە ءتۇرلى قازاق قىزىنا ءتان ەمەس ارەكەتتەر  جاسايدى. ەفير الدىندا ەر بالالارمەن جاعا جىرتىسۋعا دەيىن بارعان بولاتىن. بالاعات ءسوزدى ەش قىسىلماستان ايتا بەرەتىن زاميرانىڭ بۇل ارەكەتى  حالىقتىڭ اشۋىن تۋدىردى. زاميرانى كورىپ قازاق قىزى وسىنداي ارسىز با ەدى دەگەن ويعا قالاسىڭ.

ايجان بايزاكوۆا

بۇل ەسىمدى ەستىمەگەن قازاقستاندىق جوق شىعار. ايجان بايزاكوۆا ازامات ساتىبالدىنىڭ «ءبىر سەن ءۇشىن» كينوسىندا باستى ءرولدى سومداعان. وسىدان كەيىن ايجان الەۋمەتتىك جەلىدە تانىمال بولا باستادى. ايجان الەۋمەتتىك جەلىدە ءوزىنىڭ اشىق-شاشىق كيىنگەن سۋرەتىن سالعاننان كەيىن وقىرماندارى  ساعاتتاپ كوبەيە باستاعان. «دانىككەننەن قۇنىققان جامان» دەۋشىمە ەدى قازاقتا. وقىرمان سانىنىڭ كوبەيگەنىنە ماستانعان ايجان جالاڭاش سۋرەتتەرىن سالۋدى كوبەيتتى. ۋاقىت وتە كەلە ايجان الەۋمەتتىك جەلىدە وقىرماندارى كوپ ادامداردىڭ قاتارىنا كىردى. قانشا ەڭبەكتەنسە دە ءوز وقىرماندارىن تابا الماي جۇرگەن جانداردىڭ الدىن ايجان جالاڭاش تۇسكەن سۋرەتتەرىمەن وراپ كەتتى. ارزان تىرلىگىمەن ەلگە تانىلعان ايجان ءوز تىرلىگىنە ەش وكىنبەيتىن سەكىلدى.

قازىرگى زاماندا وسىنداي ەرسى ارەكەتتەرمەن ەلگە تانىلعان ازاماتتار مەن ازاماتشالار كوبەيىپ كەتتى. ءبىر اقساقال  سوزىندە: «وتىرىك عۇمىر كەشۋدى ءومىر ءسۇرۋدىڭ نەگىزگى تىرەگىنە اينالدىرىپ العان بۇگىنگى قيتۇرقى ادامداردىڭ اينىماس قۇبىلىسىن كورىپ جۇرەگىڭ اينيدى. باسىنىڭ باعى ءۇشىن ار-ۇياتىن ساۋداعا سالىپ جاعىمپازدىقتىڭ جاراپازانىن ايتىپ جۇرگەن جاسامپازداردى كورگەندە «اپىر-اي، جۇمىر جەر نەگە جىرتىلىپ كەتپەي شىداپ تۇر» دەگەن ويعا قالاسىڭ. قۇلاعىن ساتقانداردان قۇداي اتقانداردىڭ سۇلدەسىن كورىپ ساسقانىمنان كۇڭىرەنەم دە كۇرسىنەم”، – دەپ ەدى.

قازىرگى قوعام كەرەككە جارامايتىنداردى كەرەك قىلعان، جىلتىرلاردى شەشەن قىلعان زامان بولدى. زامان تالابىنا سولاي ەكەن دەپ ارىمىزدى ساۋدالاپ، نامىسىمىزدى اياققا تاپتاپ، تايراڭداپ جۇرگەندەر قانشاما...

2017 جىلى وسىنداي قارا پيارمەن، ەشقانداي ەڭبەكسىز حالىققا تانىلعاندار جەتەرلىك. كەلەسى جىلى وسىنداي قىزدارىمىزدىڭ  ەتەكتەرى ۇزارىپ، قاراسى ازايسا ەكەن دەگەن تىلەگىمىز بار.

دايىنداعان: اقنۇر مۇحتارحان