الماتى قالاسىندا 2018 جىلدىڭ كوكتەمگى مەرزىمدى اسكەرگە شاقىرۋعا جاتاتىن ازاماتتاردى ىرىكتەۋ جانە الدىن-الا زەردەلەۋ بويىنشا جۇمىستار باستالدى. ازاماتتاردى مەرزىمدى اسكەري قىزمەتكە شاقىرۋ قازاقستان رەسپۋبليكاسى پرەزيدەنتىنىڭ جارلىعى جانە قازاقستان رەسپۋبليكاسى ۇكىمەتىنىڭ قاۋلىسى نەگىزىندە جىلىنا ەكى رەت شاقىرىلادى.

سونىمەن قاتار، ازاماتتاردى مەرزىمدى اسكەري قىزمەتكە شاقىرۋ جانە ولاردىڭ اسكەرگە شاقىرۋ پۋنكتتەرىنە كەلۋى تۋرالى حاباردار ەتۋدى تۇرعىلىقتى جەرى بويىنشا جەرگىلىكتى اسكەري باسقارۋ ورگاندارى شاقىرتۋ قاعازىمەن نەمەسە جۇمىس (وقۋ) ورنى بويىنشا ۇيىم باسشىلارى قولدارىن قويعىزا وتىرىپ جۇرگىزەدى. مەرزىمدى اسكەري قىزمەتكە شاقىرۋعا قارۋلى كۇشتەردى، باسقا دا اسكەرلەر مەن اسكەري قۇرالىمداردى جاساقتاۋ ءۇشىن قاجەتتى ساندا ون سەگىز جاستان جيىرما جەتى جاسقا دەيىنگى، اسكەرگە شاقىرۋدى كەيىنگە قالدىرۋ نەمەسە ودان بوساتىلۋ قۇقىعى جوق ازاماتتار جاتادى.

الماتى ايماعىندا 2018 جىلدىڭ 10 قاڭتاردان باستاپ اسكەرگە شاقىرىلۋشىلاردى زەردەلەۋ باستالدى. زەردەلەۋ 2 كەزەڭنەن تۇرادى.

ءبىرىنشى كەزەڭ - الدىن-الا زەردەلەۋ جولىمەن اسكەرگە شاقىرىلۋشىلارمەن جانە ولاردىڭ اتا-انالارىمەن، سونداي-اق ول جۇمىس جاسايتىن نەمەسە وقيتىن جۇمىس ورىندارىنىڭ، وقۋ ورىندارىنىڭ وكىلدەرىمەن جەكە ءىسى تەكسەرىلىپ، اڭگىمەلەسۋ جۇرگىزىلەدى. جەكە اڭگىمەلەسۋ بارىسىندا مورالدى ساپاسىنا، دەنساۋلىق جاي-كۇيىنە، دەنە دايىندىعىنا، جالپى ءبىلىم بەرۋ جانە ارنايى دايىندىعى، وتباسى جاعدايى انىقتالادى. اسكەرگە شاقىرىلۋشىلاردىڭ جەكە ءىسىن ساپالى زەردەلەۋ ءۇشىن ق ر ۇلتتىق قاۋىپسىزدىك كوميتەتى مەن ق ر ىشكى ىستەر ورگاندارىنىڭ، دەنساۋلىق جاعداي جانە حالىقتى الەۋمەتتىك قورعاۋ ورگاندارىنىڭ وكىلدەرىمەن بىرگە جۇرگىزىلەدى.

ەكىنشى كەزەڭ - ءىس جۇزىندە. مۇندا اسكەرگە شاقىرىلۋشىلار قالالىق جانە اۋداندىق مەديسينالىق كوميسسيادان وتەدى. سودان كەيىن قاي اسكەري بولىمدەرگە باراتىندىعى انىقتالادى. اسكەرگە شاقىرىلۋشىلاردى مەديسينالىق كۋالاندىرۋ ءتارتىبى جانە مەديسينالىق كوميسسيالاردىڭ قۇرامى اسكەري-دارىگەرلىك ساراپتاما جۇرگىزۋ قاعيدالارىنا سايكەس ايقىندالادى.

جوعارىدا اتالعان جۇمىستاردىڭ بارلىعى الماتى قالاسىنىڭ جەرگىلىكتى اسكەري باسقارۋ ورگاندارى جۇرگىزەدى. اسكەري بورىشىن وتەۋگە نيەت ءبىلدىرۋشى جاستار كوبەيۋدە.

قارلىعاش مۇسابەك قىزى