بۇگىن الماتى قالاسى بوستاندىق اۋدانىنىڭ قورعانىس ىستەرى جونىندەگى باسقارماسىندا قازاقستان رەسپۋبليكاسىنىڭ پرەزيدەنتى ن. نازاربايەۆتىڭ 2018 جىلعى 10 قاڭتارداعى "ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى" قازاقستان حالقىنا جولداۋى تالقىلاندى دەپ حابارلايدى Qamshy.kz اقپارات اگەنتتىگى. 

جولداۋدى تالقىلاۋ بارىسىندا قويىلعان 10 مىندەت تالاپتارىن الماتى قالاسى بوستاندىق اۋدانىنىڭ قورعانىس ىستەرى جونىندەگى باسقارماسىنىڭ كادرلار جۇمىسى جانە زاپاستاعى وفيسەرلەرمەن جۇمىس جونىندەگى ءبولىم باستىعى مايور حاليلوۆ پ.و. ءتۇسىندىردى.

ول سوزىندە "ەلباسى ن.ءا.نازاربايەۆ قازاقستان حالقىنا ارنالعان جىل سايىنعى جولداۋىنداعى 10 نەگىزگى مىندەت ەلدىڭ ءال-اۋقاتىنىڭ ارتۋىنا زور مۇمكىندىك بەرەدى. جولداۋدا ەكونمويكالىق جانە الەۋمەتتىك ماسەلەلەرگە باسىمدىق بەرىلگەن. سەبەبى، ءاربىر مىندەتتىڭ ىسكە اسىرىلۋى جوعارى دەڭگەي مەن ساپالى ناتيجەنى كورسەتەدى. سونداي-اق ءاربىر مىندەتتىڭ وزىندىك ورنى بار"- دەدى.

اتالعان ءىس-شارادا جولداۋدىڭ 9-مىندەتىندە جەمقورلىقپەن كۇرەس جانە زاڭنىڭ ۇستەمدىگىنە باسا نازار اۋدارىلدى. سونىمەن بىرگە، بۇل جولداۋدىڭ ەرەكشەلىگى - جەمقورلىقتىڭ الدىن الۋعا باعىتتالعان كۇرەستىڭ جالعاسۋى.

قازىرگى تاڭدا زاماناۋي تەحنولوگيالاردىڭ قارقىندى دامۋىنا بايلانىستى مەملەكەتتىك ورگاندارداعى پروسەستەردى، سونىڭ ىشىندە ولاردىڭ حالىقپەن جانە بيزنەسپەن قارىم-قاتىناسىن سيفرلاندىرۋ - جىلدام قىزمەت الۋعا مۇمكىندىك بەرەتىندىگى تالقىلاندى.

10 مىندەت - ناقتى قادام. ويتكەنى، قازاقستاننىڭ جىلدام دامۋى سيفرلىق ءۇردىستىڭ وڭتايلى جانە جىلدام ادىستەرىن قولدانۋعا مەيلىنشە مۇمكىندىك بەرەدى.

ەلباسى جولداۋىنداعى ناقتى قادامداردى ىسكە اسىرۋ الداعى مىندەتتەر بولىپ تابىلماق.

قارلىعاش مۇسابەك قىزى