«توقال دەسە، بايبىشەنىڭ بەرەكەسى كەتەدى» دەگەندەي، بۇل ءسوز قازىرگى زاماندا ايەلدەردىڭ قۇلاعىنا تۇرپىدەي تيەتىنى راس. كوپ تالقىعا سالىنىپ جاتقان دا – وسى تاقىرىپ. «وزبەك بايىسا، تام سالادى، قازاق بايىسا، قاتىن الادى» دەمەي مە قازاق! توقال الۋ جالقى وتباسىلىق ماسەلەدەن جالپى الەۋمەتتىك ماسەلەگە اينالىپ بارادى. ەر ازاماتتاردىڭ كەيبىرى توقال العانىن جاسىرسا، كەيبىرى اشىق ايتادى. Qamshy.kz اقپارات اگەنتتىگى توقالى بار ايگىلى ادامداردى وقىرمان نازارىنا ۇسىنباق.

بەكبولات تىلەۋحان

بەلگىلى قوعام قايراتكەرى، جىرشى، ءانشى بەكبولات تىلەۋحاننىڭ توقالى بار. ول ءوزىنىڭ ءتورت ايەلى بارىن جاسىرمايدى. كەز كەلگەن سۇحباتتا، كەز كەلگەن باعدارلامادا اشىق ايتا بەرەدى. بەكبولات تىلەۋحاننىڭ ايتۋىنشا، توقال الۋىن اناسى قالاعان ەكەن. «توقال الۋ دەگەن ءسوز – 18 جاستاعى قىزدى ەمەس، جەسىر قالعان ايەلدى الۋ. توقال الۋ شاريعاتقا قارسى دۇنيە ەمەس» دەگەن پىكىردە. ءقازىر 11 بالاسى بار.

دوسحان جولجاقسىنوۆ

ايگىلى اكتەر دوسحان جولجاقسىنوۆ تا توقال العان دەسەدى. جەلاۋىز جۇرتتىڭ سوزىنە سەنسەك، ونىڭ ەكىنشى ايەلى – اكتريسا، تەلەجۇرگىزۋشى قاراگوز سۇلەيمەنوۆا. ءبىراق سۇلەيمەنوۆانىڭ ءوزى اكتەردىڭ توقالى ەكەنىن مويىنداعان جوق. 

جارىلقاسىن داۋلەت

تانىمال سازگەر جارىلقاسىن داۋلەت ەكى ايەلىمەن ءبىر شاڭىراق استىندا تۇرىپ جاتىر. ونىڭ ءۇش قىزى، ءبىر ۇلى بار. ءوزىنىڭ ايتۋىنشا، جالعىز ۇلدىڭ ارتىنان ىنىلەرى ەرە بەرسىن دەگەن نيەتپەن توقال العان. سازگەر ەكىنشى جارىنا ۇيلەنۋ ءۇشىن ۇيدەگى بايبىشەسىمەن اقىلداسۋدى ارتىق ساناعان. ەكىنشى ايەلى وزىنەن 30 جاس كىشى ەكەننىن دە، نەكەسىن قيدىرىپ، كەيىن اۋىلدا توي جاساعانىن دا جاسىرمايدى. ءقازىر وسى توقالىنان مۇحاممەد اتتى ۇل ءسۇيىپ وتىر.

التىنبەك قورازبايەۆ

تانىمال ءانشى التىنبەك قورازبايەۆتىڭ توقالى بارى جالپاق جۇرتقا بەلگىلى جايت. ساندۋعاش بۇگىندە ۇلگىلى انا اتانعان. «قازاق ايەلدەرىنە ءتان قاسيەت – بالا تاربيەلەپ ۇيدە وتىرۋ» دەپ تۇسىنەتىن ساندۋعاش وتباسى ءۇشىن ونەرىن قۇربان ەتىپ، التىنبەكتىڭ شاڭىراعىن گۇلدەندىرىپ وتىر.

توقتار تولەشوۆ

بۇرىنعى «سىرا پاتشاسى» توقتار تولەشوۆ تە ءبىر ايەلدى قاناعات قىلماپتى. ونىڭ توقالى بولعان دينا نۇرالييەۆا 2005 جىلى «قازاقستان ارۋى» اتاعىن يەلەنگەن. بويجەتكەن بۇل كۇندە ديزاينەرلىك قىرىنان تانىلىپ ءجۇر. شىمكەنت قىزى 2009 جىلى وتكەن «الەم ارۋى» بايقاۋىندا ۇزدىك 16 ارۋدىڭ تىزىمىنە كىرگەن. دينا – «شىمكەنت ارۋى» بايقاۋىن ۇيىمداستىراتىن ءسان اگەنتتىگىنىڭ ديرەكتورى. قازىرگى كۇيەۋى – كاسىپكەر، كىشكەنتاي قىزى بار.